پاۆلوداردا 62 جاستاعى ەر ادام 2012 جىلى جاسالعان زەينەتكەر ەيەلدٸڭ ٶلٸمٸ ٷشٸن 20 جىلعا باس بوستاندىعىنان ايىرىلدى, دەپ حابارلايدى dalanews.kz.
سوت مەلٸمەتٸنشە, ەر ادام «يابلونكا» باۋ-باقشا سەرٸكتەستٸگٸندە 72 جاستاعى ەيەلمەن تانىسقان. ول ەيەلدٸڭ ساياجاي ٷيٸندە ٸشٸمدٸك ٸشٸپ, كەيٸن ٷي يەسٸن زورلاپ, قىلمىسىن جاسىرۋ ٷشٸن كٶرپەمەن تۇنشىقتىرىپ ٶلتٸرگەن.
تەرگەۋ ورگاندارى 14 جىل بويى كٷدٸكتٸنٸڭ كٸم ەكەنٸن انىقتاي الماعان. الايدا 2026 جىلى قىلمىس ورنىنان تابىلعان دنق ٸزٸ دەرەكتەر بازاسىنداعى ەر ادامنىڭ مەلٸمەتتەرٸمەن سەيكەس كەلگەن. ۇستالعاننان كەيٸن ول ٶز كٸنەسٸن مويىندادى.
وسى ۋاقىتقا دەيٸن پاۆلودارلىق ازامات باسقا بٸر ادام ٶلتٸرگەنٸ ٷشٸن 11 جىلدىق جازاسىن ٶتەپ جاتقان. 2023 جىلى ول 59 جاستاعى تانىس ەيەلٸن دە ساياجاي اۋماعىندا تۇنشىقتىرىپ ٶلتٸرگەنٸ ٷشٸن سوتتالعان بولاتىن.
سوت جازالاردى ٸشٸنارا قوسىپ, وعان 20 جىل كولونييا جازاسىن تاعايىندادى. ال زورلاۋ فاكتٸسٸ بويىنشا ەر ادامعا بٶلەك جازا تاعايىندالمادى, سەبەبٸ بۇل قىلمىس بويىنشا تالاپ قويۋ مەرزٸمٸ ٶتٸپ كەتكەن.
