Pavlodarda Toraiǵyrov kóshesindegi 73-úidiń turǵyndary birneshe ai boiy mazalaryn alyp kelgen kórshige qatysty shaǵym túsirdi. Turǵyndardyń aitýynsha, er adamnyń áreketi búkil úidiń tynyshtyǵyn buzyp, adamdardyń ómir súrýine kedergi keltirgen. Bul týraly Dalanews.kz habarlaidy.
Turǵyndar kórshi kún saiyn shý shyǵaryp, ainalasyna kúdik týdyratyn adamdardy jinap alatynyn aitady. Úi kireberisinde qoqys jinalyp, iis pen antisanitariia jaǵdaiy qalyptasqan.
“Podezden shyǵýdyń ózi qaýipti. Úige bóten adamdar kelip, ózderin beibereket ustaidy. Tazalyq saqtamaidy, qoqys shashyp, úige úiip tastaidy. Iis, shý – bári qajytty”, – deidi turǵyndar.
Olardyń sózinshe, er adammen júrgizilgen áńgime de nátije bermegen. Eskertý jasasa, boqtap, qorlaidy. Alkogolge táýeldiligi úidiń tynyshtyǵyna ǵana emes, kórshilerdiń psihologiialyq jai-kúiine de keri áser etken.
Turǵyndardyń shaǵymy men kýágerlik aiǵaqtary negizinde er adam densaýlyq saqtaý organdary arqyly májbúrli emdeýge jiberildi.
