پاۆلوداردا تورايعىروۆ كوشەسىندەگى 73ء-ۇيدىڭ تۇرعىندارى بىرنەشە اي بويى مازالارىن الىپ كەلگەن كورشىگە قاتىستى شاعىم ءتۇسىردى. تۇرعىنداردىڭ ايتۋىنشا، ەر ادامنىڭ ارەكەتى بۇكىل ءۇيدىڭ تىنىشتىعىن بۇزىپ، ادامداردىڭ ءومىر سۇرۋىنە كەدەرگى كەلتىرگەن. بۇل تۋرالى Dalanews.kz حابارلايدى.
تۇرعىندار كورشى كۇن سايىن شۋ شىعارىپ، اينالاسىنا كۇدىك تۋدىراتىن ادامداردى جيناپ الاتىنىن ايتادى. ءۇي كىرەبەرىسىندە قوقىس جينالىپ، ءيىس پەن انتيسانيتاريا جاعدايى قالىپتاسقان.
“پودەزدەن شىعۋدىڭ ءوزى ءقاۋىپتى. ۇيگە بوتەن ادامدار كەلىپ، وزدەرىن بەيبەرەكەت ۇستايدى. تازالىق ساقتامايدى، قوقىس شاشىپ، ۇيگە ءۇيىپ تاستايدى. ءيىس، شۋ – ءبارى قاجىتتى”، – دەيدى تۇرعىندار.
ولاردىڭ سوزىنشە، ەر اداممەن جۇرگىزىلگەن اڭگىمە دە ناتيجە بەرمەگەن. ەسكەرتۋ جاساسا، بوقتاپ، قورلايدى. الكوگولگە تاۋەلدىلىگى ءۇيدىڭ تىنىشتىعىنا عانا ەمەس، كورشىلەردىڭ پسيحولوگيالىق جاي-كۇيىنە دە كەرى اسەر ەتكەن.
تۇرعىنداردىڭ شاعىمى مەن كۋاگەرلىك ايعاقتارى نەگىزىندە ەر ادام دەنساۋلىق ساقتاۋ ورگاندارى ارقىلى ءماجبۇرلى ەمدەۋگە جىبەرىلدى.
