Pavlodar oblysynda júrgizilgen tekserý barysynda quramynda shoshqa DNQ-sy anyqtalǵan shujyq ónimi tabyldy. Alaida bul týraly aqparat ónimniń qaptamasynda kórsetilmegen, dep habarlaidy dalanews.kz.
Tekserý barysynda ne anyqtaldy?
Pavlodar oblystyq sanitariialyq-epidemiologiialyq baqylaý departamenti basshysynyń orynbasary Gúlnár Aqylbekovanyń aitýynsha, baqylaý sharalary kezinde ónim quramynan shoshqa DNQ-sy tabylǵanymen, bul málimet tańbalaýynda kórsetilmegen, dep jazady Obozrenie.kz. Áńgime Belarýste óndirilgen siyr etinen jasalǵan servelat týraly bolyp otyr.
Ónim Almatydaǵy kóterme qoimadan jetkizilgen
Vedomstvo ókiliniń málimetinshe, júrgizilgen tekserý nátijesinde atalǵan ónimdi jetkizýshi Almaty qalasyndaǵy kóterme qoima ekeni anyqtalǵan. Osyǵan bailanysty anyqtalǵan derek boiynsha tiisti sharalar qabyldaý úshin aqparat Almaty qalasynyń aýmaqtyq sanitariialyq-epidemiologiialyq baqylaý departamentine joldanǵan.
Ónimniń qujattary bolǵan
Gúlnár Aqylbekovanyń aitýynsha, ónimge qoldanystaǵy sáikestik deklaratsiiasy rásimdelgen. Sondai-aq oǵan qatysty barlyq taýarǵa ilespe qujattar bolǵan.
