Pavlodarda koronavirýs tirkelgen joq
Oblysta táýlik boiy koronavirýstyq infektsiia máseleleri boiynsha jedel shtab jumys isteidi. Óńir turǵyndary men qonaqtary 8(7182)67-52-08, sondai-aq jedel járdem stantsiiasynyń 103 jelisine jáne biryńǵai respýblikalyq 1406 nómirine habarlasa alady.
– Bizdiń 544 meditsina qyzmetkeri koronavirýsty infektsiianyń aldyn alý, diagnostikalaý jáne emdeý boiynsha oqytyldy, – dep málimdedi Pavlodar oblysy ákiminiń orynbasary. – Óńirde koronavirýstyq infektsiia jaǵdaiyna 845 tósek-oryn bar. Kún saiyn basqa elderden kelgen azamattarǵa monitoring júrgiziledi. Qazirgi ýaqytta 112 adam baqylanýda. Onyń ishinde statsionar jaǵdaiynda meditsinalyq baqylaýda 12 adam, úi karantininde – 25 adam, qońyraý shalý boiynsha baqylaýda – 75 adam. Bul adamdarmen bailanysta bolǵandarǵa virýsologiialyq zertteýler júrgizildi, barlyǵynyń nátijesi teris.
Oblysta sanitarlyq dezinfektsiialyq rejim kúsheitilgen. Meditsinalyq uiymdarda dárilik preparattar men jeke qorǵaný quraldarynyń qajetti qory bar ekeni de aityldy. Barlyq emdeý jáne meditsinalyq-áleýmettik mekemeler karantinge aýystyryldy. Emdelýshilerge kelýge ruqsat joq.
– Barlyq 394 mektepke deiingi uiym shtattyq rejimde jumys isteidi, bul rette balalarǵa erkin barý qamtamasyz etiledi, – dep habarlady Ashat Oralov. – Balabaqshaǵa bara almaityn balalardyń oryndary saqtalatyn bolady. Sonyme qatar bul kezeńge aqy alynbaidy. Sondyqtan balany úide qaraýǵa múmkindik bar. Balabaqshalarda meditsinalyq jáne sanitarlyq baqylaý kúsheitildi.
Pavlodar oblysynda 109 myńnan astam oqýshy demalysqa shyqty. Muǵalimderge keletin bolsaq, 11 myń pedagog qashyqtan jumys isteý rejimine aýystyryldy. Mektepterde tek mekteptiń tirshilik áreketine jaýap beretin ákimshilik pen personal ǵana bar.
– JOO men kolledjderdiń 31 myńnan astam stýdenti qashyqtyqtan bilim alýǵa kóshti, – dep atap ótti óńir basshysynyń orynbasary. – Oblys kolledjderi 100% aqparattyq bilim berý júiesin engizdi. «Serpin» baǵdarlamasy boiynsha oqyp jatqan stýdentter úilerine qaitty.
Pavlodar oblysynyń turǵyndarynan óńirdegi qabyldanyp jatqan qaýiptiń aldyn alý sharalaryna túsinistikpen qaraý suralady. Barlyq is-sharalar oblys aýmaǵynda koronavirýstyq infektsiianyń taralýynyń aldyn alý jáne boldyrmaý maqsatynda jasalýda. Sonymen qatar, turǵyndar jeke bas gigienasy men jeke qorǵaný sharalaryn saqtaýǵa shaqyrylady. Iaǵni, qoldy jii jýý, úi-jailardy jeldetý, ylǵaldy tazalaý jáne adamdar kóp jinalatyn jerlerge barýdy shekteý qajet.
