Pavlodarda kólder men sý qorǵaý aimaqtaryn jekeniń qolyna zańsyz berý áreketiniń joly kesildi, dep habarlaidy dalanews.kz.
Aktogai aýdanynda ótkizilgen konkýrsqa úsh jer telimi shyǵarylǵan. Alaida olardyń aýmaǵynda tushy jáne tuzdy kólder, sondai-aq tuz óndirýge paidalanylatyn sý aidyndary ornalasqan.
Tekserý barysynda konkýrs qujattaryn daiyndaý kezinde memlekettik organnyń Sý kodeksinde kózdelgen mindetti talaptardy saqtamaǵany anyqtaldy. Nátijesinde konkýrsqa qatysýshylarǵa tek jer telimderi ǵana emes, memleket qorǵaýyndaǵy jalpy aýmaǵy 60 gektardan asatyn sý resýrstaryna da qol jetkizý múmkindigi berilgen.
Zań buzýshylyqqa Aktogai aýdanynyń prokýratýrasy aralasyp, zańsyz ótkizilgen konkýrstyń nátijelerin joidy.
Jiberilgen zań buzýshylyqtar úshin jaýapty laýazymdy tulǵalar tártiptik jaýapkershilikke tartyldy.
