Pavlodar oblysynda aýdan ákiminiń uly qyz balany uryp tastaǵan, - dep habarlaidy Dalanews.kz.
Bul aqparatty Oqý-aǵartý vitse-ministri Edil Ospan rastady.
"Áleýmettik jelide paida bolatyn ár derek boiynsha tekseris júrgizip, memlekettik organdarǵa habarlaimyz. Bul derek boiynsha qazir tergeý júrip jatyr, sáikesinshe qajet sharalar qabyldanady. Qyz balany urǵan oqýshy ákimniń balasy ekeni rastaldy", - deidi Edil Ospan.
Bul aqparatqa qatysty balalardyń quqyqtaryn qorǵaý komiteti tóraǵasynyń orynbasary Iýliia Ovechkina da túsinik berdi. Onyń aitýynsha, janjal osy jyldyń qańtar aiynda Pavlodar oblysyndaǵy mektepterdiń birinde bolǵan.
"Biyl qańtarda tirkeldi. Qazirgi ýaqytta is iývenaldy sotta qaralyp jatyr. Balanyń ata-anasyn da ákimshilik jaýapkershilikke tartý boiynsha otyrys ótti", - deidi Ovechkina.
Aita keteiik, buǵan deiin áleýmettik jelide jábirlenýshi qyzdyń anasy joldaǵan úndeý taraǵan bolatyn. Politsiia bul aqparatqa qatysty pikir bildirdi. Janjal Pavlodardaǵy mekteptiń birinde 7 jáne 6-synyp oqýshylarynyń arasynda bolǵan.
