پاۆلوداردا اكىمنىڭ ۇلى قىز بالانى ۇرىپ تاستاعان

كوركەم الدابەرگەنوۆا 19 ناۋ. 2024 13:01 2328

پاۆلودار وبلىسىندا اۋدان اكىمىنىڭ ۇلى قىز بالانى ۇرىپ تاستاعان، - دەپ حابارلايدى Dalanews.kz.

بۇل اقپاراتتى وقۋ-اعارتۋ ۆيسە-مينيسترى ەدىل وسپان راستادى. 

"الەۋمەتتىك جەلىدە پايدا بولاتىن ءار دەرەك بويىنشا تەكسەرىس جۇرگىزىپ، مەملەكەتتىك ورگاندارعا حابارلايمىز. بۇل دەرەك بويىنشا ءقازىر تەرگەۋ ءجۇرىپ جاتىر، سايكەسىنشە قاجەت شارالار قابىلدانادى. قىز بالانى ۇرعان وقۋشى اكىمنىڭ بالاسى ەكەنى راستالدى"، - دەيدى ەدىل وسپان.

بۇل اقپاراتقا قاتىستى بالالاردىڭ قۇقىقتارىن قورعاۋ كوميتەتى ءتوراعاسىنىڭ ورىنباسارى يۋليا وۆەچكينا دا تۇسىنىك بەردى. ونىڭ ايتۋىنشا، جانجال وسى جىلدىڭ قاڭتار ايىندا پاۆلودار وبلىسىنداعى مەكتەپتەردىڭ بىرىندە بولعان.

"بيىل قاڭتاردا تىركەلدى. قازىرگى ۋاقىتتا ءىس يۋۆەنالدى سوتتا قارالىپ جاتىر. بالانىڭ اتا-اناسىن دا اكىمشىلىك جاۋاپكەرشىلىككە تارتۋ بويىنشا وتىرىس ءوتتى"، - دەيدى وۆەچكينا.

ايتا كەتەيىك، بۇعان دەيىن الەۋمەتتىك جەلىدە جابىرلەنۋشى قىزدىڭ اناسى جولداعان ۇندەۋ تاراعان بولاتىن. پوليسيا بۇل اقپاراتقا قاتىستى پىكىر ءبىلدىردى. جانجال پاۆلودارداعى مەكتەپتىڭ بىرىندە 7 جانە 6-سىنىپ وقۋشىلارىنىڭ اراسىندا بولعان. 


ۇسىنىلعان
سوڭعى جاڭالىقتار