Pavlodar oblysynda eki adamnyń máiiti sýdan shyǵaryldy, olardyń biri Resei Federatsiiasynyń azamaty, dep habarlaidy dalanews.kz.
Oblystyq tótenshe jaǵdailar departamentiniń málimetinshe, 1 maýsym kúni Ertis aýdanynda qutqarýshylar Ertis ózeniniń bir salasy jaǵalaýynan 1990 jyly týǵan áieldiń denesin tapqan. Áiel 18 mamyr kúni belgisiz jaǵdaida sýǵa batyp ketken.
Sol kúni Pavlodar qalasynda Ertis ózeninen taǵy bir adamnyń máiiti shyǵaryldy. Qutqarýshylar 1990 jyly týǵan Resei azamatynyń denesin avtogýj kópiri mańynan, jaǵalaýdan shamamen eki shaqyrym qashyqtyqtan tapqan.
Oqiǵalardyń mán-jaiy anyqtalyp jatyr.
