Pavlodar oblysynda órtten alty adam qaza tapty, dep habarlaidy Dalanews.kz.
Búgin Pavlodar oblysy TJD 101 qyzmet pýltine Solnechnyi kentinen 7 km qashyqtyqta ornalasqan sharýa qojalyqtarynyń biriniń aýmaǵynda órt shyqqandyǵy týraly habarlama kelip tústi.
Oqiǵa ornyna Pavlodar oblysy TJD, GRES-2 MÓQQ órtke qarsy quralymdarynyń, sondai-aq Solnechnyi kentiniń órt sóndirý beketiniń kúshteri men quraldary dereý jiberildi. Órt sóndirý barysynda 27 litrli 8 gaz ballony shyǵaryldy.
Órtti joiýǵa jeke quramnyń 30-ǵa jýyq adamy jáne 10 birlik tehnikasy jumyldyryldy.
Alǵashqy bólimsheler kelgennen keiin turǵyn úi tolyǵymen órtke oranǵandyǵy anyqtaldy. Órttiń saldarynan shatyrdyń jartylai qulaýy boldy. Jalyn sonymen qatar irgeles qosalqy qurylystarǵa taralyp, jalpy aýdany 920 sharshy metrdi qamtydy.
Órt kezinde úide 7 adam bolǵan. Olardyń biri 1972 jyly týǵan er adam óz betinshe syrtqa shyqty. Ol jedel járdem brigadasymen meditsinalyq mekemege jetkizildi, onda oǵan qajetti kómek kórsetilýde. Oqiǵa ornynda qaza tapqan alty adamnyń denesi tabyldy. Jeke tulǵalar anyqtalýda, tergeý organdary barlyq jaǵdailardy anyqtaýǵa kiristi.
