پاۆلودار وبلىسىندا ورتتەن التى ادام قازا تاپتى، دەپ حابارلايدى Dalanews.kz. 

بۇگىن پاۆلودار وبلىسى تجد 101 قىزمەت پۋلتىنە سولنەچنىي كەنتىنەن 7 كم قاشىقتىقتا ورنالاسقان شارۋا قوجالىقتارىنىڭ ءبىرىنىڭ اۋماعىندا ءورت شىققاندىعى تۋرالى حابارلاما كەلىپ ءتۇستى.

وقيعا ورنىنا پاۆلودار وبلىسى تجد، گرەس-2 ءموقق ورتكە قارسى قۇرالىمدارىنىڭ، سونداي-اق سولنەچنىي كەنتىنىڭ ءورت ءسوندىرۋ بەكەتىنىڭ كۇشتەرى مەن قۇرالدارى دەرەۋ جىبەرىلدى. ءورت ءسوندىرۋ بارىسىندا 27 ءليترلى 8 گاز باللونى شىعارىلدى.
ءورتتى جويۋعا جەكە قۇرامنىڭ 30-عا جۋىق ادامى جانە 10 بىرلىك تەحنيكاسى جۇمىلدىرىلدى.

العاشقى بولىمشەلەر كەلگەننەن كەيىن تۇرعىن ءۇي تولىعىمەن ورتكە ورانعاندىعى انىقتالدى. ءورتتىڭ سالدارىنان شاتىردىڭ جارتىلاي قۇلاۋى بولدى. جالىن سونىمەن قاتار ىرگەلەس قوسالقى قۇرىلىستارعا تارالىپ، جالپى اۋدانى 920 شارشى مەتردى قامتىدى.

ءورت كەزىندە ۇيدە 7 ادام بولعان. ولاردىڭ ءبىرى 1972 جىلى تۋعان ەر ادام ءوز بەتىنشە سىرتقا شىقتى. ول جەدەل جاردەم بريگاداسىمەن مەديسينالىق مەكەمەگە جەتكىزىلدى، وندا وعان قاجەتتى كومەك كورسەتىلۋدە. وقيعا ورنىندا قازا تاپقان التى ادامنىڭ دەنەسى تابىلدى. جەكە تۇلعالار انىقتالۋدا، تەرگەۋ ورگاندارى بارلىق جاعدايلاردى انىقتاۋعا كىرىستى.