Pavlodar oblysy Aqsý qalasynyń prokýratýrasy áleýmettik osal toptaǵy azamattarǵa arnalǵan páterlerdi zańsyz satyp alý deregin anyqtady. Belgili bolǵandai, 24 páter satyp alý kezinde áli qurylysy aiaqtalmaǵan jáne turýǵa múlde jaramsyz bolǵan, dep habarlaidy Dalanews.kz.
Prokýratýra málimetinshe, bul is boiynsha qalalyq qurylys bóliminiń burynǵy basshysy jaýapqa tartyldy. Onyń áreketi memleketke 50 million teńgeden astam zalal keltirgen.
Aqsý qalasynyń aýdanaralyq soty eks-sheneýnikti qyzmet babyn asyra paidalaný babymen aiypty dep tanyp, eki jylǵa bas bostandyǵynan aiyrý jazasyn taǵaiyndady. Úkim áli zańdy kúshine engen joq.
Prokýratýranyń aralasýynan keiin zańbuzýshylyqtar joiylyp, turǵyn úi kezeginde turǵan azamattar baspanamen qamtamasyz etildi.
Aita keteiik, buǵan deiin Aqmola oblysynda da «Nurly jer» baǵdarlamasy aiasyndaǵy biýdjet qarjysyn jymqyrý faktisi anyqtalǵan edi. Tergeý materialdaryna sáikes, merdiger kompaniia men qurylys bóliminiń basshysy úsh jyl boiy jalǵan aktiler jasap, jumys kólemi men qunyn negizsiz arttyrǵan. Nátijesinde memleketke 152 million teńge zalal kelgen.
