Budan burynyraq Baqytjan Kopbaev jáne ol basqaratyn uıymnyń Qaraǵandy oblystyq fılıaly tóraǵasy Anna Nevskaıa Reseı telearnalarynyń birindegi «Na samom dele» baǵdarlamasyna suhbat beripti.
Ekeýi júrgizýshi jýrnalısiń suraqtaryna «Qazaqstanda fashızm boı kóterdi, qazaq ultshyldyǵy qoshqyl oba tárizdi taraýda!» – dep jaýap qaıtarǵan. Solaı deı otyryp ózderin qazaq fashıserine qarsy kúresip júrgen antıfashıst qaharmandar beınesinde kórsetti!..
Sondaı-aq ol áleýmettik jeli arqyly jasaǵan beınemálimdemesinde jurtshylyqty Pavlodar qalasynyń ataýyn qorǵaýǵa shaqyrǵan bolatyn! Sol Baqytjan endi (30.01.2020) Pavlodarǵa kelip, «Pavlodar» qonaq úıiniń májilis zalyna qala turǵyndaryn ózimen kezdesýge shaqyrdy. Bul sharada túrli máseleler kóteriletini, onyń ishinde qala ataýyna baılanysty másele de qozǵalatyny, óziniń Pavlodar ataýyn ózgertýge qarsy ekeni jóninde beınemálimdeme taratty.
Áıtse de, shymkenttik qonaqtyń bizdiń qalanyń ataýy boıynsha jıyn ótkizýge moraldik jaǵynan da, zań turǵysynan da quqy joq bolatyn. Soǵan qaramastan, ózi shaqyrǵan soń bardyq, onymen nıettes orystildiler de keldi. Bulardyń deni Keńes kezeńin kókseıtin egde jastaǵy adamdar eken.
Baqytjan orys tilinde sóıledi.
Qazaq tildilerdiń saýaldaryna jıynnyń sońynda jaýap beretinin eskertti. Sóz basynda ınternasıonalıser uıymy jóninde aıta kelip, Pavlodarda uıymnyń fılıalyn quratynyn, onyń tóraǵalyǵyna jergilikti azamatty bekitkenin jarıa etti de, janynda turǵan saqaldy jas jigitti nusqady.
Sonan soń Keńes úkimetine degen rızashylyq sezimin bildirip edi, zaldyń ár tusynan qol shapalaqtaýshylar boı kórsetti.
Áıtse de ol ózi uıymdastyrǵan jıyn ústinde eshkim kútpegen áreketke baryp, Pavlodar ataýy jóninde másele qozǵamaıtynyn málimdedi. (Meniń paıymdaýymsha, jınalǵan jurtshylyq arasynda ózge ult ókilderine qaraǵanda qazaqtar sanynyń basymdyǵyn eskerip, aldyńǵy oıynan aınyǵan sıaqty).
Sol-aq eken oǵan nıettes orystildiler toby oryndarynan óre túregelip shýlap qoıa berdi! «Endeshe nege Pavlodar ataýy jóninde másele kóteriledi degen aqparat tarattyń, bizdi bul jerge aldap shaqyrdyń ba?!» – dep ózine dúrse qoıa berdi. Baqytjan bolsa, «Men ondaı habar taratqan joqpyn, basqa bireýler sózimdi teris burmalap jibergen shyǵar» – dep aqtalǵan boldy.
Aqyry, qala ákiminiń áleýmettik sala boıynsha orynbasary Svetlana Gladysheva ortaǵa shyǵyp: «Pavlodar ataýyna baılanysty qala ákimdigine qandaı da bir bastamashyl toptan ótinish túsken joq. Onyń ústine bıylǵy jyly Qazaqstanda sanaq júrgizilýine baılanysty eldimekenderdiń, kóshelerdiń, basqa da nysandardyń ataýlary ózgertilmeıdi. Pavlodar ataýyn qoldaıtyndar da, ózgertkisi keletinder de memlekettik organdarǵa ótinish túsirýge tıisti. Másele zań aıasynda qaralýy kerek» degen oılaryn ortaǵa saldy.
Sonda ǵana ý-shý saıabyrsyp, aldymen orystildi top zaldy tastap ketti. Sodan soń qazaqtildiler tarqady. Tek qazaq jigitteriniń birnesheýi Kopbaevty ortaǵa alyp, túrli ótkir suraqtar qoıdy!
Olardyń bireýi: «Shymkentke qashan qaıtasyń, shyǵaryp salaıyq...» – dep edi, Baqytjan rahmetin aıtty. Osylaısha, bul kezdesý bastalmaı jatyp ý-shýmen aıaqtaldy.
Endeshe Baqytjan Kopbaev Kerekýge kimderge senip keldi? Ol basqaratyn uıymnyń qoldaýshysy kimder, is-saparlaryn qandaı mekemeler qarjylandyrýda?
Reseı telearnalary nelikten oǵan aqparattyq qoldaý kórsetýde? Kopbaevtyń ar jaǵynda «Rýsskıı mır» turǵan joq pa? – degen saýaldar týyndaýy oryndy.
Bulardyń jaýaby keıin tabyla jatar. Al Baqytjannyń ózi budan arǵy ýaqytta Kerekýge kelýge sonshalyq qumarta qoımaıtyn shyǵar degen oıdamyz...
Shymkenttik qonaq áleýmettik jeliler arqyly Pavlodar ataýy jóninde taratqan beınemálimdemeleriniń birin joıyp, ekinshisin bógde kózderden jasyryp qoıypty. Osy jaıtqa oraı «Nege?» degen taǵy bir suraq týyndaıdy.
Arman Qanı
