Páterin jalǵa beretin qazaqstandyqtar deklaratsiia tapsyrýǵa mindetti bolady, dep habarlaidy Dalanews.kz.
Qyrkúiekten bastap elimizde jappai deklaratsiialaýǵa qatysty jańa talaptar kúshine enedi. Soǵan sáikes shamamen 8 million azamat deklaratsiiadan bosatylady. Bul sanatqa zeinetkerler, stýdentter, úi sharýasyndaǵy áielder, jeke kásipkerler jáne ózge de toptar kiredi.
Qandai ózgeris engizildi?
2025 jyly birqatar qazaqstandyqtarǵa salyq deklaratsiiasyn tapsyrýǵa týra keledi. Ol úshin eki túrli nysan qarastyrylǵan:
250-nysan – kirister týraly bastapqy deklaratsiia;
270-nysan – jyl saiynǵy deklaratsiia.
Eger azamat buryn 250 nysanyn tapsyrmaǵan bolsa da, biyl 270 nysanyn toltyrýǵa mindettelýi múmkin.
Kimdi qamtidy?
Bul talap ásirese:
páterin, garajyn, avtoturaqtaǵy ornyn nemese kóligin jalǵa berýshilerge,
baǵaly qaǵazdardan tabys tabatyndarǵa,
jeke praktikamen ainalysatyn tulǵalarǵa qatysty bolady.
270 nysanynda azamattar 2024 jyly alǵan barlyq tabysyn, sonyń ishinde jalǵa berýden jáne baǵaly qaǵazdardan túsken kiristerin tolyq kórsetýi tiis.
