پاتەرىن جالعا بەرەتىن قازاقستاندىقتار دەكلاراسيا تاپسىرۋعا مىندەتتى بولادى

كوركەم الدابەرگەنوۆا 29 تام. 2025 11:40

پاتەرىن جالعا بەرەتىن قازاقستاندىقتار دەكلاراسيا تاپسىرۋعا مىندەتتى بولادى، دەپ حابارلايدى Dalanews.kz.

قىركۇيەكتەن باستاپ ەلىمىزدە جاپپاي دەكلاراسيالاۋعا قاتىستى جاڭا تالاپتار كۇشىنە ەنەدى. سوعان سايكەس شامامەن 8 ميلليون ازامات دەكلاراسيادان بوساتىلادى. بۇل ساناتقا زەينەتكەرلەر، ستۋدەنتتەر، ءۇي شارۋاسىنداعى ايەلدەر، جەكە كاسىپكەرلەر جانە وزگە دە توپتار كىرەدى.

قانداي وزگەرىس ەنگىزىلدى؟

2025 جىلى ءبىرقاتار قازاقستاندىقتارعا سالىق دەكلاراسياسىن تاپسىرۋعا تۋرا كەلەدى. ول ءۇشىن ەكى ءتۇرلى نىسان قاراستىرىلعان:

250-نىسان – كىرىستەر تۋرالى باستاپقى دەكلاراسيا؛

270-نىسان – جىل سايىنعى دەكلاراسيا.

ەگەر ازامات بۇرىن 250 نىسانىن تاپسىرماعان بولسا دا، بيىل 270 نىسانىن تولتىرۋعا مىندەتتەلۋى مۇمكىن.

كىمدى قامتيدى؟

بۇل تالاپ اسىرەسە:

پاتەرىن، گاراجىن، اۆتوتۇراقتاعى ورنىن نەمەسە كولىگىن جالعا بەرۋشىلەرگە،

باعالى قاعازداردان تابىس تاباتىندارعا،

جەكە پراكتيكامەن اينالىساتىن تۇلعالارعا قاتىستى بولادى.

270 نىسانىندا ازاماتتار 2024 جىلى العان بارلىق تابىسىن، سونىڭ ىشىندە جالعا بەرۋدەن جانە باعالى قاعازداردان تۇسكەن كىرىستەرىن تولىق كورسەتۋى ءتيىس.


ۇسىنىلعان
سوڭعى جاڭالىقتار