Parıjdegi "Bataklan" teatryndaǵy atystyń vıdeosy jarıa boldy. Fransýzdyń Le Monde gazetiniń tilshisi Danıel Psennı lańkesterdiń shabýyly kezinde kórshi ǵımaratta bolǵan. Ol terezeden konsert zalynan adamdardyń terrorshylardan qashyp jatqanyn vıdeoǵa túsirip alǵan. Bul týraly «Qamshy» portaly LifeNews-ke silteme jasap habarlaıdy .

Kadrlardan Parıjdyń jaraqat alǵan turǵyndarynyń teatr ǵımaratynan qashyp jatqanyn kórýge bolady. Kópshiligi qaza bolǵandardyń denesin ózimen birge alyp ketkisi keledi. Birneshe adam terezelerge jarmasqan. Atystyń dybysy estiledi.

Eskertý! Vıdeoda zorlyq áreketter bar.

Eske salaıyq, 14 qarashaǵa qaraǵan túni Fransıa astanasy Parıjde birneshe terakt boldy. Aqparat quraldarynyń málimetinshe, belgisiz bireýler eń aldymen qaladaǵy meıramhanalardyń birine shabýyl jasady. Sonymen qatar, Fransıa-Germanıa machy ótip jatqan "Stad de Frans" stadıonynyń mańynan da jarylystyń dybysy estildi. Sońǵy málimetter boıynsha 153 adam qaza tapty, taǵy júzdegen adam jaraqat alǵan. Segiz lańkestiń kózi joıylǵany habarlandy.

https://www.youtube.com/watch?v=amwuBblpqSs