"Men eldi jan-jaqty jańǵyrtýdyń aýqymdy kún tártibin usyndym. Nur Otan ony iske asyrýǵa belsene aralasyp, Qazaqstannyń progressivti ózgeristeri men jańarýynyń naǵyz qozǵaýshy kúshi bolýǵa tiis. Biraq bul úshin Nur Otan ózi jańarýy tiis. Bul kosmetikalyq qaita júkteýdi emes, partiianyń búkil jumysyn túbegeili qaita qurýdy qajet etedi", – dedi Q. Toqaev
Osyǵan orai Prezident biliktiń barlyq tarmaǵynyń kelisip áreket etýin jáne memlekettik organdardyń halyq aldyndaǵy jaýapkershiligin qamtamasyz etý óziniń konstitýtsiialyq mindeti sanaitynyn aitty.
Sondai-aq Qasym-Jomar Toqaev partiia tóraǵalyǵyna qatysty áńgimege keiinirek qaityp oralatynyn aityp qaldy.
"Bul jaǵdailar, árine, prezidenttiń kez-kelgen partiialar men qozǵalystardyń qyzmetinen alshaqtaýyn boljaidy. Sondyqtan biraz ýaqyttan keiin, múmkin, osy jyldyń sońyna qarai, meniń Nur Otan-ǵa odan ári tóraǵalyq etýimniń oryndylyǵy týraly máselege qaita oralamyz", – dedi Q.Toqaev.
Prezident "Nur Otan" memleketshilder partiiasy bolýy kerektigin airyqsha atap ótti.
"Uiym músheleri memleket múddesin bárinen biik qoiýǵa tiis. Partiianyń barlyq bastamalary elimizdi órkendetýge, halqymyzdyń ál-aýqatyn arttyrýǵa arnalǵanyn umytpaiyq!
Eń bastysy, qoǵamǵa tynyshtyq pen turaqtylyq kerek. «Nur Otan» – elimizdiń negizgi saiasi kúshi. Sondyqtan Qazaqstannyń bolashaǵy úshin, eń aldymen, bizdiń partiiamyz jaýapty. Árqaisymyz osy jaýapkershilikti tereń sezinip jumys isteýimiz qajet", – dedi Memleket basshysy.
Prezidenttiń pikirinshe saiasatta el múddesine berik bolý airyqsha mańyzdy.
"Men Prezident qyzmetinde jáne partiia jumysynda dál osy qaǵidany ustanamyn. Biz Egemendiktiń tórtinshi onjyldyǵyna qadam bastyq. Aldymyzda jańa mindetter tur. Birligimiz bekem bolsa, onyń bárin oryndaimyz", – dedi Toqaev.
