"مەن ەلدى جان-جاقتى جاڭعىرتۋدىڭ اۋقىمدى كۇن ءتارتىبىن ۇسىندىم. Nur Otan ونى ىسكە اسىرۋعا بەلسەنە ارالاسىپ، قازاقستاننىڭ پروگرەسسيۆتى وزگەرىستەرى مەن جاڭارۋىنىڭ ناعىز قوزعاۋشى كۇشى بولۋعا ءتيىس. ءبىراق بۇل ءۇشىن Nur Otan ءوزى جاڭارۋى ءتيىس. بۇل كوسمەتيكالىق قايتا جۇكتەۋدى ەمەس، پارتيانىڭ بۇكىل جۇمىسىن تۇبەگەيلى قايتا قۇرۋدى قاجەت ەتەدى"، – دەدى ق. توقايەۆ
وسىعان وراي پرەزيدەنت بيلىكتىڭ بارلىق تارماعىنىڭ كەلىسىپ ارەكەت ەتۋىن جانە مەملەكەتتىك ورگانداردىڭ حالىق الدىنداعى جاۋاپكەرشىلىگىن قامتاماسىز ەتۋ ءوزىنىڭ كونستيتۋسيالىق مىندەتى سانايتىنىن ايتتى.
سونداي-اق قاسىم-جومار توقايەۆ پارتيا ءتوراعالىعىنا قاتىستى اڭگىمەگە كەيىنىرەك قايتىپ ورالاتىنىن ايتىپ قالدى.
"بۇل جاعدايلار، ارينە، پرەزيدەنتتىڭ كەز-كەلگەن پارتيالار مەن قوزعالىستاردىڭ قىزمەتىنەن الشاقتاۋىن بولجايدى. سوندىقتان ءبىراز ۋاقىتتان كەيىن، مۇمكىن، وسى جىلدىڭ سوڭىنا قاراي، مەنىڭ Nur Otan-عا ودان ءارى ءتوراعالىق ەتۋىمنىڭ ورىندىلىعى تۋرالى ماسەلەگە قايتا ورالامىز"، – دەدى ق.توقايەۆ.
پرەزيدەنت "Nur Otan" مەملەكەتشىلدەر پارتياسى بولۋى كەرەكتىگىن ايرىقشا اتاپ ءوتتى.
"ۇيىم مۇشەلەرى مەملەكەت مۇددەسىن بارىنەن بيىك قويۋعا ءتيىس. پارتيانىڭ بارلىق باستامالارى ەلىمىزدى وركەندەتۋگە، حالقىمىزدىڭ ءال-اۋقاتىن ارتتىرۋعا ارنالعانىن ۇمىتپايىق!
ەڭ باستىسى، قوعامعا تىنىشتىق پەن تۇراقتىلىق كەرەك. «Nur Otan» – ەلىمىزدىڭ نەگىزگى ساياسي كۇشى. سوندىقتان قازاقستاننىڭ بولاشاعى ءۇشىن، ەڭ الدىمەن، ءبىزدىڭ پارتيامىز جاۋاپتى. ءارقايسىمىز وسى جاۋاپكەرشىلىكتى تەرەڭ سەزىنىپ جۇمىس ىستەۋىمىز قاجەت"، – دەدى مەملەكەت باسشىسى.
پرەزيدەنتتىڭ پىكىرىنشە ساياساتتا ەل مۇددەسىنە بەرىك بولۋ ايرىقشا ماڭىزدى.
"مەن پرەزيدەنت قىزمەتىندە جانە پارتيا جۇمىسىندا ءدال وسى قاعيدانى ۇستانامىن. ءبىز ەگەمەندىكتىڭ ءتورتىنشى ونجىلدىعىنا قادام باستىق. الدىمىزدا جاڭا مىندەتتەر تۇر. بىرلىگىمىز بەكەم بولسا، ونىڭ ءبارىن ورىندايمىز"، – دەدى توقايەۆ.
