Áielderdiń parlamentte otyrýyna qarsy shyqqan irandyq konservator depýtat synǵa ushyrady. Internettegi beinejazbasynda: «Parlament áielder otyratyn oryn emes, bul erlerdiń orny.», — degen depýtat Nader Gazipýr ári qarai áielderdi esekke teńeidi.
57 jastaǵy Nader Gazipýr ótken aptada Irannyń parlamentine Batys Ázirbaijan provintsiiasyndaǵy týǵan qalasy Ýrmiianyń atynan qaita sailanǵan edi. Onyń sózderi 26 aqpandaǵy parlament sailaýynyń nátijesi boiynsha parlamentke keletin áielder sanynyń rekordtyq kórsetkish - 20 adamǵa jetkennen keiin aityldy.
Irannyń jańalyqtar saiyt áielder isi men otbasy jónindegi úkimettegi Aqparattyq keńestiń jetekshisi Zahra Nedjadbahramnyń Nader Gazipýrdy mandatynan aiyrý kerektigi týraly sózderin taratty. Bul talapty áleýmettik jelilerdegi myńdaǵan adam qoldaǵan.
Gazipýrdyń ózi Instagram arqyly Ýrmiia qalasynyń áielderinen keshirim surap, ózin Iran aiatollasy Áli Hameneidiń «qyzmetshisi ári jaýyngeri» retinde atady. Ol beinejazbany jariialaǵan «mysyqtileýlesterdiń» «halyq tańdaýyna kúmán keltirýdi» kózdeitinin aitty. Ol sonymen birge «kózqarasyn» ózgertpeitinin de málimdedi.
