2025 jyly Ulttyq qaýipsizdik komiteti sybailas jemqorlyqqa qarsy baǵytta júieli jumys júrgizip, 895 adamnyń zańsyz áreketiniń aldyn aldy, dep habarlaidy Dalanews.kz.
UQK málimetinshe, bir jyl ishinde 1052 qylmystyq is tirkelip, onyń 969-y boiynsha tergeý aiaqtalǵan. Sonyń ishinde 860 is sotqa joldanǵan. Anyqtalǵan sybailas jemqorlyq faktileriniń basym bóligi para alý jáne biýdjet qarajatyn urlaý derekterine qatysty.
Qabyldanǵan sharalar nátijesinde el biýdjetine 16,1 mlrd teńge qaitarylǵan. Sonymen qatar quny 3,3 mlrd teńgege baǵalanatyn múlikke tyiym salynǵan.
Sondai-aq sybailas jemqorlyq faktileri týraly aqparat bergen 61 azamatqa jalpy somasy 24,2 mln teńge kóleminde syiaqy tólengen.
UQK ókilderi sybailas jemqorlyqqa qarsy is-qimyl jumystary aldaǵy ýaqytta da jalǵasatynyn málimdedi.
