Shymkentte asa iri kólemde para bermek boldy degen kúdikke ilingen Maqsut Isahovqa qatysty sot otyrysy bastaldy. Eks-shendi ózine taǵylǵan aiypty moiyndamaidy. Birinshi tyńdalymda ákimniń burynǵy orynbasary jaǵdaiǵa bailanysty óz ýájin aitty, - dep habarlaidy Dalanews.kz otyrar.kz-ke siltep.
Maqsut Isahov 2023 jyly 20 shildede laýazymyn asyra paidalandy degen kúdikpen ustalǵan edi. Alaida qylmys quramy anyqtalmaýyna bailanysty 2 ret is toqtatyldy. Al sol jyldyń sońynda ol asa iri kólemde para berdi degen kúdikpen qamaýǵa alyndy.
"2020 jyly 685 mln. teńgege baǵalanǵan memlekettik satyp alý konkýrsyn "Korporatsiia "Siti-Stroi" JShS-i jeńip alǵan. Alaida buǵan kelispeýine bailanysty "START-STROI" sotqa shaǵym túsirgen. Al Isahov jeke kompaniia shaǵymynan bas tartsa, oǵan basqa tender utyp beretinin aityp 187 mln. teńge kóleminde qarajat suraǵan. Alaida isti "START-STROI" JShS-i jeńip shyǵyp, qosalqy merdiger retinde "Siti-Stroi" JShS-i bekitilgen. Sottalýshyǵa aitýly jait boiynsha is qozǵalatyn bolǵan soń, ol Ulttyq qaýipsizdik komitetiniń Shymkent qalasy boiynsha departamenti basshysynyń orynbasaryn para alýǵa kóndirip, isti jasyrmaq boldy degen aiyp taǵylyp otyr", - dedi prokýror.
Al para berý deregi boiynsha kúdikti jaǵdai múlde basqasha bolǵanyn aitady. Onyń sózinshe, is qozǵalatyn bolǵan soń qomaqty qarajatty Shymkent qalalyq UQK departamenti basshysynyń eks-orynbasarynyń ózi suraǵan.
"Meni Sarbasovtyń ózi shaqyrǵan bolatyn. Ol ústinen meni qamaqqa alý jaiynda úkim kelgenin aitty. Men "jumys ornym kerek bolsa, ornymdy bosata salaiyn" degenmin. Biraq ol kómektespeitinin aitty. Kórsetken qyzmeti qyzmetpen ótelý keregin aityp, iaǵni para berýdi tuspaldady.
Baǵany bastapqyda 500 myń dedi. Al men onyń dollar ekenin túsinbedim de. Keiin 200-ge túsirdi. Men ózimdi bul iste kináli sezinbegen soń aqsha berýden bas tartqanmyn. Men ne úshin aqsha berýim kerek edi?" - deidi kúdikti Isahov.
Prokýror aiyptaý aktisinde kúdikti para berý úshin arnaiy shema qurǵanyn aitqan bolatyn. Onyń sózinshe, olar "Asqarǵa" degen kiltsózdi qoldana otyryp, 200 myń dollardy qalanyń bir dúkeninde qaldyrǵan. Ol jerden qarajatty kelesi adam alyp, eks-shendige tapsyrýy kerek bolǵan.
"Videony ashyp qaraǵan kezde qara paketti kýrer alyp kelip, satýshy qyzǵa tapsyrǵan. Odan keiin video úzilgen. Keiin 1 jarym saǵatten keiin baryp Ulttyq qaýipsizdik komitetiniń qyzmetkerleri kelip, videomen túsirip aqshany alǵan. Taǵy video úzilgen. Sodan keiin basqa bólmege baryp, paketti ashyp, aqshany kórsete bastaǵan. Onyń arasynda ne bolǵany belgisiz. Múmkin kýrer bomba tastap ketken shyǵar. Túsiniksiz. Bir qyzyǵy aqshany araǵa 6 kún salyp sanaǵan. 6 kún boiy sonda ne istegeni de túsiniksiz", - deidi kúdikti.
Buǵan deiin eks-memlekettik qyzmetkerdiń ýaqytsha qamaýǵa alynǵan-alynbaǵany, tergeýdiń qalai júrgizilgeni týraly eshqandai aqparat bolmaǵan edi. Al kúdikti sol aralyqta ózine qatty qysym kórsetilgenin aitady.
"35 kún boiy tergeýdi Ulttyq qaýipsizdik komiteti júrgizdi. Logikalyq turǵyda oilańyzshy, olar qalai tergeý júrgizedi. Ol kezde maǵan kóp qysym kórsetti. Al ýaqytsha tergeýge kóshirgende kartserde ustady. Keiin kameraǵa aýystyrdy. Jubaiymdy qoǵamdyq qorǵaýshym retinde moiyndamai sandaltty. Ol kezde maǵan 10-15 jylǵa sottalasyń dep qorqytýmen boldy. Eger óziń moiyndasań basqa bireýdi ustap berseń jaza óteý ýaqytyn qysqartýǵa kómek beremiz deýmen boldy. Ózim bir ózim qamaýda otyrdym, bir jaǵynan 6 balamdy oiladym, onyń 5 beseýi kámeletke tolmaǵan, al anamnyń jasy 75-te, al bir jaǵymnan úzdiksiz qysym kórsetilip jatty. Mundai jaǵdaida men qalai sheshim qabyldarymdy da túsinbedim", - deidi ol.
Buǵan deiin kúdiktiniń para suraǵan aýdio jazbasy áleýmettik jelide taraǵan bolatyn. Isahovtyń zańgeri ol jazba óńdelgen bolýy múmkin dep topshylaidy.
"Barlyq aiyptaý qaǵazy Qylmystyq-protsestik kodeksi normalaryn buza otyryp, qoldan jasalǵan dep bilemin. Meniń qorǵalýshym qazir para berý deregi boiynsha sotqa jaýap berip jatyr. Oǵan deiin qyzmetin asyra paidalandy degen bolatyn. Alaida ol ister jabyldy da endi, bul is qozǵaldy. Munda bir shikilik bar. Al aýdio jazba Muqsut Isahovtyń ruqsatynsyz qoldanylǵan. Onyń ústine ol montajdalǵan. Oǵan qosa jazba 2020 jyly jazylǵan. Qazir ekspertizadan ótkizý úshin sotqa deiingi tergeý organy montajdalǵan jáne montajdalmaǵan nusqany alýǵa tyrysyp jatyr", - deidi Isahovtyń zańgeri.
Maqsut Isahovtiń isi áli jalǵasady. Kelesi sot otyrysy naýryzdyń sońyna qarai ótedi dep josparlanǵan.
