BUU Bas hatshysy Pan Gi Mýn Bas Assambleiada sóilegen sózinde kóptegen saiasi jetekshiler óz azamattarynyń múddesin aiaqqa "taptap" jatqanyna toqtaldy. Bas hatshynyń baiandamasy BUU saitynda jariialandy.
"Biz kóptegen elderdiń basshylarynyń bilikti saqtap qalý úshin konstitýtsiiany ózgertip, sailaý nátijelerin burmalap, basqa da shekten tys áreketterge barǵanynyń kýási boldyq, - dedi Bas hatshy. Olar memleketti basqarý qyzmetiniń jeke basynyń menshigi emes, azamattardyń senimi ekenin túsinýi kerek. Sizder óz halqyńyzǵa qyzmet etýlerińiz kerek. Demokratiiany shaiqaýdy, eldiń tabiǵi bailyǵyn tonaýdy, qarsylastaryńdy azaptap túrmege jabýdy doǵaryńdar".
Pan Gi Mýn diplomatiialyq etiketti ysyryp qoiyp, búgingi kúnniń ózekti máselelerin sheshe almai otyrǵan memleketterdi qatań synǵa aldy. Ol álem elderiniń jetekshileri óz azamattary aldynda jaýap beretindigin, al halyqaralyq qaýymdastyq basqa da máselelerdi sheshýge pármeni jetetinin atap ótti.
BUU Bas hatshysy qyzmetin aýyr muńmen tastap bara jatqanyn málimdedi.
"Halyq pen biliktiń arasy alshaqtady. Ekstremister halyqty bólip qaraýǵa májbúrlep otyr. Jer bizdiń áreketimizge teńiz daýyldarymen, aptap ystyqpen, aiaýsyz quiyndarmen jaýap beredi", - dep málimdedi BUU Bas hatshysy.
