Sybailas jemqorlyqqa qarsy qyzmet Ulytaý oblysynyń aýyl sharýashylyǵy jáne jer qatynastary basqarmasynyń burynǵy basshysy Qairat Mýtaevqa qatysty qylmystyq is qozǵady. Oǵan qaramaǵyndaǵy qyzmetkerler arqyly ózine zańsyz syiaqy taǵaiyndaǵan degen aiyp taǵylyp otyr, dep habarlaidy Dalanews.kz.
Tergeý málimetterine sáikes, tártiptik jazaǵa tartylǵanyna qaramastan, Mýtaev orynbasary Aqbaian Seksenbaevamen birge ózine jalpy somasy 7,5 mln teńge kóleminde syiaqy rásimdegen.
Oblys ákimdigi onyń bul qyzmetten ketkenin rastady.
Qairat Mýtaev buǵan deiin Aýyl sharýashylyǵy ministrliginde jaýapty laýazymdar atqaryp, mal sharýashylyǵy ónimderin qaita óńdeý salasyn qadaǵalaǵan. 2022 jyldyń shilde aiynda Ulytaý oblysynyń aýyl sharýashylyǵy basqarmasyn basqarǵan.
Zań boiynsha tártiptik jazaǵa tartylǵan memlekettik qyzmetshilerge syiaqy tóleýge tyiym salynǵan. Alaida bul shekteý eks-sheneýnikti toqtatpaǵanǵa uqsaidy.
