سىبايلاس جەمقورلىققا قارسى قىزمەت ۇلىتاۋ وبلىسىنىڭ اۋىل شارۋاشىلىعى جانە جەر قاتىناستارى باسقارماسىنىڭ بۇرىنعى باسشىسى قايرات مۋتايەۆقا قاتىستى قىلمىستىق ءىس قوزعادى. وعان قاراماعىنداعى قىزمەتكەرلەر ارقىلى وزىنە زاڭسىز سىياقى تاعايىنداعان دەگەن ايىپ تاعىلىپ وتىر، دەپ حابارلايدى Dalanews.kz.
تەرگەۋ مالىمەتتەرىنە سايكەس، تارتىپتىك جازاعا تارتىلعانىنا قاراماستان، مۋتايەۆ ورىنباسارى اقبايان سەكسەنبايەۆامەن بىرگە وزىنە جالپى سوماسى 7،5 ملن تەڭگە كولەمىندە سىياقى راسىمدەگەن.
وبلىس اكىمدىگى ونىڭ بۇل قىزمەتتەن كەتكەنىن راستادى.
قايرات مۋتايەۆ بۇعان دەيىن اۋىل شارۋاشىلىعى مينيسترلىگىندە جاۋاپتى لاۋازىمدار اتقارىپ، مال شارۋاشىلىعى ونىمدەرىن قايتا وڭدەۋ سالاسىن قاداعالاعان. 2022 جىلدىڭ شىلدە ايىندا ۇلىتاۋ وبلىسىنىڭ اۋىل شارۋاشىلىعى باسقارماسىن باسقارعان.
زاڭ بويىنشا تارتىپتىك جازاعا تارتىلعان مەملەكەتتىك قىزمەتشىلەرگە سىياقى تولەۋگە تىيىم سالىنعان. الايدا بۇل شەكتەۋ ەكس-شەنەۋنىكتى توقتاتپاعانعا ۇقسايدى.
