Akmola oblysynda Tselinograd aýdanynyń jolaýshylar kóligi bóliminiń burynǵy basshysy laýazymdyq ókilettigin asyra paidalanǵany úshin sottaldy, - dep habarlaidy Dalanews.kz.
Tselinograd aýdanynyń prokýratýrasy málimetinshe, avtojol salasynda tekseris júrgizilgen. Al nátijesinde Qoiandy aýylynyń kóshelerin kúrdeli jóndeý jáne salý kezinde jerglikti atqarýshy organnyń burynǵy basshysy men kásipker 1,2 milliard teńge somasyna biýdjet qarajatyn urlaǵany anyqtalǵan.
Aýdan prokýratýrasy 2 qylmystyq is tirkegen. Al sotqa deiingi tergeýdi Aqmola oblysynyń prokýratýrasynyń arnaiy prokýrorlary júrgizdi.
"Is qozǵalǵan kezde Birikken Arab Ámirlikterinde bolǵan Tselinograd aýdanynyń jergilikti atqarýshy organynyń burynǵy basshysy qamaýǵa alyndy.
1,2 mlrd teńgeden asa kóleminde keltirilgen zalal tolyq óteldi, tergeý qorytyndysy boiynsha qylmystyq is sotqa jiberildi", - dep jazylǵan Aqmola oblysynyń prokýratýrasy málimetinde.
12 aqpanda osy is boiynsha úkim shyqty. Tselinograd aýdandyq sotynyń úkimimen Qylmystyq kodekstiń 361-baby 4-bóliginiń 3-tarmaǵy boiynsha sheneýnik ómir boiy memlekettik qyzmette qyzmet atqarý quqyǵynan aiyryldy, oǵan qosa bas bostandyǵynan da aiyryldy.
Úkim áli zańdy kúshine engen joq.
