28 tamyzda Gúlmira Satybaldyǵa qatysty sot otyrysy aiaqtalyp, búgin, 29 tamyzda sot úkimi shyǵýy qajet. Satybaldy kásipkerdi zańsyz bas bostandyǵynan aiyryp, asa iri mólsherde aqsha bopsalap, ózinshe basqarý júrgizdi degen kúdikke ilindi, - dep habarlaidy Dalanews.kz.
Prokýror Gúlmira Satybaldyny 13 jylǵa bas bostandyǵynan aiyrýdy surady.
Aita keteiik, bul Satybaldyǵa qatysty ekinshi sot otyrysy. 2023 jyly Qairat Satybaldynyń burynǵy áieli eki qylmystyq áreketi úshin 8 jylǵa sottalǵan bolatyn. Ol kásipker Tursynǵali Alagózovtiń biznesin tartyp aldy dep jáne Qyzylorda oblysynda 441 million teńge jymqyrdy degen kúdikke ilingen. Ol kezde Satybaldy ózin saiasi júieniń qurbany dep ataǵan bolatyn.
Al kúni keshe ótken sot jaryssózinde Gúlmira Satybaldy densaýlyǵynyń nasharlaýyna bailanysty sońǵy sóz aitýdan bas tartty.
Shiskin like telegram arnasy Gúlmira Satybaldyǵa qandai kásipter tiesili ekenin anyqtaǵan. Byltyr Gúlmira Satybaldy Standard Petroleum & Co JShS benefitsiarlarynyń biri bolǵan. Ol Timýr Qulybaevtyń orbitasyndaǵy kompaniia. JShS Túrkistan oblysyndaǵy Badam aýylynda ornalasqan jáne dizel otynynyń kóterme saýdasymen ainalysady. Kompaniia 2015 jyldan beri 3 milliard teńgedei salyq tólegen. Al 2022 jyly tólegen salyqtary kúrt azaiyp, biyl tek 1,5 million teńge salyq tólengen.
Kompaniia Timýr Qulybaev, onyń turaqty seriktesteri, Satybaldy otbasynyń ókilderi men Qazaqstannyń ońtústigindegi yqpaldy kásipkerdiń biri Serikjan Seitjanovtyń basyn qosqan. Ony Nurjan Seitjanov – Serikjan Seitjanovtyń uly basqarady. Al Gúlmira Satybaldy men onyń uly Baýyrjan Nursultan áli kúnge deiin Standard Petroleum & Co kompaniiasyn Petromunai Invest JShS arqyly basqarady. Alaida ol jumys istemeitin jáne salyq tólemeitin kompaniia qatarynda.
Qujat boiynsha Gúlmira Satybaldyǵa tiesili taǵy bir kompaniia – Qyzylordada tirkelgen «TOTO» group» JShS. Oǵan enshiles kompaniia «Karatau Mining» JShS geologiialyq barlaýmen ainalysady jáne 2015 jyldan bastap 23 mln teńgege salyq tólegen.
Adata.kz reestriniń málimetinshe, Gúlmira Satybaldy 500 mln teńgeden astam somaǵa atqarýshylyq is júrgizý boiynsha qaryz.
