Bizdiń býkmekerlik naryqqa engizilip jatqan Birińǵai esepke alý júiesi bylaisha aitqanda osy naryqta tártip ornatýy tiis.
15 tamyzda pilottyq rejimde jasandy intellektini paidalana otyryp, internetti monitoringteýdiń avtomattandyrylǵan júiesi iske qosyldy. JI qazirdiń ózinde táýligine 800 saitqa deiin buǵattai alady. Buǵan deiin mundai jumys qolmen atqarylyp, jarty jylǵa deiin ýaqyt alatyn.
«Operator ESÝ» JShS Týrizm jáne sport ministrligi janynan qurylǵan. Júieniń ziiatkerlik menshik quqyǵy tolyqtai osy memlekettik kásiporynǵa tiesili. Serverler «Ulttyq aqparattyq tehnologiialar» AQ infraqurylymynda ornalastyrylǵan.
Júie býkmekerlik keńselerdiń ainalymyn baqylap, qumar oiyndarǵa qatysýǵa tyiym salynǵan oiynshylardy, mysaly, kámeletke tolmaǵandar men boryshkerlerdi anyqtaidy. Sondai-aq aqshany jylystatýǵa jáne terrorizmdi qarjylandyrýǵa qarsy is-qimyl týraly zańnama aiasyndaǵy tranzaktsiialardy qadaǵalaidy.
Jaqyn ýaqytta zańǵa tiisti túzetýler qabyldanýy múmkin. Bul ózgerister býkmekerlerdi ainalymynyń 3 paiyzyn úsh qorǵa aýdarýǵa mindetteidi. Olar — «Qazaqstan halqyna», SportQory jáne Ulttyq olimpiada komiteti janyndaǵy qor. Árqaisysyna 1 paiyzdan túsedi.
