«Álemdik baqyt indeksi» jaryq kórdi: aldyńǵy oryndarda skandinav elderi, TMD-daǵy eń baqytty el 49-satyda.
BUU Jer sharynyń turǵyndary ózin qanshalyqty baqytty sezinetini týraly baiandaityn «Baqyt indeksin» jariialady. Onyń avtorlary zertteýge qatysqan 156 eldiń ishinde eń baqytty jandar Daniiada turady dep tapqan. Odan keiingi oryndarda shveitsarlar, islandyqtar, norvegter, finder jáne basqalar.
Postkeńestik elderdegi eń baqytty adamdar byltyrǵydai Ózbekstanda turatyn bop shyqty: bul el reitingte 49-orynǵa taban tiregen. Baqyt indeksindegi kelesi oryndy Qazaqstan ielendi (54), odan ári tizimde Moldova (55) jáne Resei (56). Olardan sál tómenirek, 61-orynǵa Belarýs jaiǵasqan, onyń izin ókshelei Túrkimenstan (65 oryn) tur. Ázirbaijan reitingte 81-oryndy ielense, Qyrǵyzstan 85, al Tájikstan júzinshi orynnan tabylǵan.
Reiting avtorlary eldiń damý deńgeii, densaýlyq saqtaý men áleýmettik qoldaý kórsetkishteri sekildi obektivti faktorlarmen qatar, turǵyndardyń jeke basynyń pikirleri men kózqarasyn eskergen. El turǵyndary ómiriniń máni, qandai da bir sheshim qabyldaýǵa qatysý múmkindigi, ózi qalaǵandai ómir súrý erkindigi jáne eldegi biliktiń jumysy týraly suraqtarǵa jaýap bergen.
