Túrkistanda asa iri mólsherde munai ónimderin (benzindi) Ózbekstanǵa kontrabandalyq jolmen tasyǵan adamdarǵa qatysty sot úkimi shyqty, dep habarlaidy Dalanews.kz.
Túrkistan oblysynyń qylmystyq ister jónindegi mamandandyrylǵan aýdanaralyq sotynda E., I., A., M.-di jáne jeke basy anyqtalmaǵan Ózbekstan azamattary Saryaǵash aýdany, Sarqyrama aýylynda ornalasqan qorajai ishinen uzyndyǵy 375 sharshy metr jer asty qubyryn bir bóligin burǵylaý tásilimen Ózbekstan aýmaǵyna ekinshi bóligin jetkizip, 2024 jyldyń tamyz-jeltoqsan ailarynda naryqtaǵy ortasha baǵasy 112 mln 512 myń teńge bolatyn 420,340 tonna AI-92 markaly benzin munai ónimin kedendik baqylaýdan tys kontrabanda jolymen shekaradan zańsyz ótkizgeni anyqtaldy.
"Sot úkimimen qylmystardyń jiyntyǵy boiynsha K.15 jyl merzimge, I., A., M., jáne E. 13 jyl merzimge bas bostandyǵynan aiyrý jazalary taǵaiyndaldy. Tintý kezinde alynǵan 3 mln teńge, 16 myń litr AI-92 markaly benzin ónimi, ZIL jáne GAZ júk kólikteri memleket paidasyna tárkilendi", - deidi Túrkistan oblystyq sotynyń baspasóz qyzmeti.
Úkim zańdy kúshine engen joq.
Aita ketsek, 2024 jyly 3 shildede Qazaqstan men Ózbekstan shekarasynda jerasty tonneli tabylǵan bolatyn.
Buǵan deiin saitymyzda "Rekordtar jańǵyrýda". Reseide benzin baǵasy "ushyp tur" degen maqala jariialanǵan bolatyn. Sondai-aq bizde "Qazaqstan munai ónimderi urlyǵynan qansha shyǵynǵa ushyraýda?" degen material da jariialanǵan bolatyn.
