Ózbekstanda jylqy sharýashylyǵyn damytýǵa bet burdy
Tashkent oblysynda Aqalteke jylqylaryn ósiretin eki zaýyt salynady. Buǵan qosa, Ózbekstanda Respýblikalyq bapkerler, at sporty jóninen tóreshiler, veterinarlar mektepteri qurylady.
Prezident qaýlysynda Aqalteke jáne Qarabaiyr jylqylaryn ósirý, sporttyq jáne qyzmettik jylqylardyń durys túrlerin suryptap alýǵa arnalǵan biryńǵai qurylym qurý týraly aitylǵan. Sonymen birge elde, ásirese jastar arasynda at sportyn nasihattaý qolǵa alynady.
Tamyz aiynyń ortasyna deiin úkimet respýblikada 2021 jylǵa deiin Jylqy sharýashylyǵyn damytý jónindegi Baǵdarlama jobasyn daiyndaýy tiis.
Eske salaiyq, naýryz aiynda Shavkat Mirziiaev alǵash ret Túrkimenstanǵa memlekettik saparmen bardy. Sol kezde prezident Ǵurbanǵuly Berdymuhamedov ózbek prezidentine aqalteke jylqysyn syiǵa tartty.
