Ózbekstanda er azamat prokýrorlardyń azaptaýynan keiin asylyp qalǵan
Marqumnyń áieliniń aitýynsha, prokýratýra qyzmetkerleri ózi jasamaǵan qylmysty moiyndatqyzý úshin soqqyǵa jyǵyp, azaptaǵan.
– Kúieýimdi prokýratýra ókilderi alyp ketkennen keiin, meniń týystarym baryp, úige alyp keldi. Ol óte jabyrqaýly boldy. Ol jas jigitter qaǵazǵa qol qoidyrý úshin ózin uryp-soǵyp, azaptaǵanyn aitty. Denesiniń bári kógergen. Ol úige kelip, "meniń ulymmen qatar balalar maǵan jábir kórsetip, qorlady" dedi. Men onyń jaǵdaiyn kórip, jylap jiberdim, – deidi Nadira Salidjanova.
Onyń sózinshe, kelesi kúni kúieýin úiiniń baqshasynda asylyp turǵan jerinen taýyp alǵan. Salidjanova jubaiynyń ólimine prokýratýra qyzmetkerlerin kinálaidy. Áiel kinálilerdi jaýapqa tartý úshin, tiisti oryndarǵa shaǵym túsirgenin aitady.
