مارقۇمنىڭ ايەلىنىڭ ايتۋىنشا، پروكۋراتۋرا قىزمەتكەرلەرى ءوزى جاساماعان قىلمىستى مويىنداتقىزۋ ءۇشىن سوققىعا جىعىپ، ازاپتاعان.
– كۇيەۋىمدى پروكۋراتۋرا وكىلدەرى الىپ كەتكەننەن كەيىن، مەنىڭ تۋىستارىم بارىپ، ۇيگە الىپ كەلدى. ول وتە جابىرقاۋلى بولدى. ول جاس جىگىتتەر قاعازعا قول قويدىرۋ ءۇشىن ءوزىن ۇرىپ-سوعىپ، ازاپتاعانىن ايتتى. دەنەسىنىڭ ءبارى كوگەرگەن. ول ۇيگە كەلىپ، "مەنىڭ ۇلىممەن قاتار بالالار ماعان ءجابىر كورسەتىپ، قورلادى" دەدى. مەن ونىڭ جاعدايىن كورىپ، جىلاپ جىبەردىم، – دەيدى ناديرا ساليدجانوۆا.
ونىڭ سوزىنشە، كەلەسى كۇنى كۇيەۋىن ءۇيىنىڭ باقشاسىندا اسىلىپ تۇرعان جەرىنەن تاۋىپ العان. ساليدجانوۆا جۇبايىنىڭ ولىمىنە پروكۋراتۋرا قىزمەتكەرلەرىن كىنالايدى. ايەل كىنالىلەردى جاۋاپقا تارتۋ ءۇشىن، ءتيىستى ورىندارعا شاعىم تۇسىرگەنىن ايتادى.
