Sáýir aiynyń aiaǵynda ózbekstandyq «ZUMA-PHARMA» kompaniiasy men reseilik «Gerofarm» kompaniiasy insýlin óndirisi týraly kelisimge otyrǵan.
Resmi málimetke qaraǵanda, qazir zaýyt qurylysyna daiyndyq jumystary júrip jatyr. Alaida zaýyt qaida jáne qashan salynatyny ázirge belgisiz.
Osy zaýyt salynsa, onda Ózbekstanda insýlin shyǵaratyn eki kásiporyn bolady. 2018 jyly Ándijanda salynǵan zaýyt áli qosylǵan joq. Ol – Ortalyq Aziiada insýlin shyǵaratyn jalǵyz kásiporyn.
Densaýlyq saqtaý ministrliginiń málimetinshe, Ózbekstanda 245 myńnan astam adam qant diabetimen aýyrady. Respýblikada insýlin naýqastarǵa memleket baǵdarlamasy aiasynda tegin beriledi.
