ءساۋىر ايىنىڭ اياعىندا وزبەكستاندىق «ZUMA-PHARMA» كومپانياسى مەن رەسەيلىك «گەروفارم» كومپانياسى ينسۋلين ءوندىرىسى تۋرالى كەلىسىمگە وتىرعان.
رەسمي مالىمەتكە قاراعاندا، ءقازىر زاۋىت قۇرىلىسىنا دايىندىق جۇمىستارى ءجۇرىپ جاتىر. الايدا زاۋىت قايدا جانە قاشان سالىناتىنى ازىرگە بەلگىسىز.
وسى زاۋىت سالىنسا، وندا وزبەكستاندا ينسۋلين شىعاراتىن ەكى كاسىپورىن بولادى. 2018 جىلى ءاندىجاندا سالىنعان زاۋىت ءالى قوسىلعان جوق. ول – ورتالىق ازيادا ينسۋلين شىعاراتىن جالعىز كاسىپورىن.
دەنساۋلىق ساقتاۋ مينيسترلىگىنىڭ مالىمەتىنشە، وزبەكستاندا 245 مىڭنان استام ادام قانت ديابەتىمەن اۋىرادى. رەسپۋبليكادا ينسۋلين ناۋقاستارعا مەملەكەت باعدارلاماسى اياسىندا تەگىن بەرىلەدى.
