Qazaqstan men Ózbekstan arasyndaǵy taýar aınalymy bir jylda eki esege kóbeıip, 2 mlrd dollar bolǵan. Kórshi elder bul kórsetkishti 5 mlrd dollarǵa jetkizgisi keledi, dep habarlady Nursultan Nazarbaev respýblıkalyq jýrnalıserge bergen suhbatynda.

– Qazaqstan úshin Ózbekstanmen qarym-qatynas ornatý óte tıimdi, qajet. Bizdiń aramyz jaqsaryp keledi. Bir jyl ishinde taýar aınalymy eki esege – 1 mlrd dollardan 2 mlrd dollarǵa jetken. Biz Ózbekstannyń jańa prezıdenti Mırzıaevpen 5 mlrd dollarǵa deıin jetkizýge kelistik, – dep habarlady memleket basshysy.

Nazarbaev Qostanaıda Ózbekstamen birge elektrondy dvıgatelmen júretin avtomobıl shyǵaratyn kásiporyn ashylǵanyn eske saldy.

"Kelesi jyldy biz Qazaqstandaǵy Ózbekstan jyly dep jarıaladyq. Qazaqstannyń Ózbekstandaǵy kúnderi de ótedi", – dedi Nazarbaev.