Ózbek imamy túrik serialdary ult mentalitetine keri áser etetinin aitty
Kezekti ýaǵyzynda imam Saifýddinov «Jynystyq akti kezinde kúieýin emes, túrik serialdaryndaǵy ádemi akterlardy oilaityn áielderden gei-balalar týady» dep málimdedi.
Bul málimdeme jergilikti BAQ-ta túrik serialdaryna qarsy naýqan júrip jatqan kezinde aityldy. Ótken aida ZO'RTV telearnasy «Qara mahabbat» (Kara Sevda) dep atalatyn túrik serialyn kórsetýdi doǵarýǵa májbúr bolǵan.
Ózbekstannyń baspasóz jáne aqparat agenttigi janyndaǵy BAQ-qa monitoring júrgizý ortalyǵy atalǵan serial ult mentalitetine jáne dástúrine, otbasylyq qundylyqtarǵa qaishy keledi dep sheshim qabyldaǵan.
«Dombirobod» meshitiniń bas imamy Shermýrad Togai da áriptesi Rahmatýllo Saifýddinovtiń pikirine qosylatynyn jetkizgen. "Islamda jynystyq akti kezinde erli-zaiypty shaitanaýi oilardy oilamaǵany durys degen hadis bar", – deidi.
