Ózbek sýmynyń belgisine jariialanǵan baiqaýǵa 17 myńnan astam ótinish tústi. Baiqaýdyń alǵashqy kezeńinde 508 shyǵarmashylyq joba iriktep alyndy.
«Qazylar alqasyna avtory jazylmaǵan 54 shyǵarmashylyq joba usynyldy» delingen resmi habarlamada.
Baiqaýdyń aqtyq kezeńinde jobalardy Ortalyq bank, Ulttyq óner institýty jáne Ziiatkerlik menshik agenttigi ókilderi baǵalady.
Sonyń nátijesinde Sarvar Jumaǵaldievtiń grafikalyq belgisi eń kreativ joba dep tanylyp, «Sým belgisi» retinde bekitildi.
Ortalyq bank «Sým belgisi» tenderin 8 aqpan men 31 naýryz aralyǵynda jariialaǵan.
Áleýmettik jelilerdegi ózbek segmentinde bul belgige qarsy shyǵýshylar kóp. Blogerlerdiń keibiri muny plagiat dep ataǵan.
Máselen, jýrnalist Shýhratbek Latypov ózbek sýmynyń belgisin Frantsiiada 1998 jyly qurylǵan In-Core Systèmes kompaniiasynyń logotipimen salystyrdy. Frantsýz kompaniiasy daýly máselege qatysty eshqandai málimdeme jasaǵan joq.
MANO Branding bul belgini dizainer Tamara Arkatova jasaǵanyn, ol «Sým belgisi» baiqaýyna qatysqanyn habarlady.
