وزبەك سۋمىنىڭ بەلگىسىنە جاريالانعان بايقاۋعا 17 مىڭنان استام ءوتىنىش ءتۇستى. بايقاۋدىڭ العاشقى كەزەڭىندە 508 شىعارماشىلىق جوبا ىرىكتەپ الىندى.
«قازىلار القاسىنا اۆتورى جازىلماعان 54 شىعارماشىلىق جوبا ۇسىنىلدى» دەلىنگەن رەسمي حابارلامادا.
بايقاۋدىڭ اقتىق كەزەڭىندە جوبالاردى ورتالىق بانك، ۇلتتىق ونەر ينستيتۋتى جانە زياتكەرلىك مەنشىك اگەنتتىگى وكىلدەرى باعالادى.
سونىڭ ناتيجەسىندە سارۆار جۇماعالدييەۆتىڭ گرافيكالىق بەلگىسى ەڭ كرەاتيۆ جوبا دەپ تانىلىپ، «سۋم بەلگىسى» رەتىندە بەكىتىلدى.
ورتالىق بانك «سۋم بەلگىسى» تەندەرىن 8 اقپان مەن 31 ناۋرىز ارالىعىندا جاريالاعان.
الەۋمەتتىك جەلىلەردەگى وزبەك سەگمەنتىندە بۇل بەلگىگە قارسى شىعۋشىلار كوپ. بلوگەرلەردىڭ كەيبىرى مۇنى پلاگيات دەپ اتاعان.
ماسەلەن، جۋرناليست شۋحراتبەك لاتىپوۆ وزبەك سۋمىنىڭ بەلگىسىن فرانسيادا 1998 جىلى قۇرىلعان In-Core Systèmes كومپانياسىنىڭ لوگوتيپىمەن سالىستىردى. فرانسۋز كومپانياسى داۋلى ماسەلەگە قاتىستى ەشقانداي مالىمدەمە جاساعان جوق.
MANO Branding بۇل بەلگىنى ديزاينەر تامارا اركاتوۆا جاساعانىن، ول «سۋم بەلگىسى» بايقاۋىنا قاتىسقانىن حابارلادى.
