Ózbek saýdagerleri taýarlaryn Qazaqstanda qymbatqa satqanyna qýandy
12-13 mamyrda Shymkentte kórmege qatysqan kásipker Salohiddin Zainýdinnovtyń aitýynsha, saýdagerler ónimderin Qazaqstanda qymbatqa sata aldy. "Mysaly, bizde 85 myń sým (shamamen jeti myń teńge) turatyn sývenirdi Shymkentte 450 myń sýmǵa satýǵa bolady. Shymkentte kórme ótetinin estip, biz qatty qýandyq", – dedi ol.
Baǵdarsham jáne jol belgilerin óndirýshi Sergei Trahtenberg ózbek prezidenti Shavkat Mirziiaevtiń saiasaty "Qazaqstanmen saýda qatynasyn damytady" dep úmittenedi.
Bul ýaqytta Ońtústik Qazaqstan oblysy kásipkerler basqarmasynyń bólim basshysy Hikmatýlla Raiymbekov ózbek taýarlarynyń baǵasy arzan ekenin, biraq ishki naryqty da qorǵaý qajettigin málimdedi. "Ózbekstandyq taýarlardy qazaqstandyq naryqqa jibersek, otandyq taýar óndirýshilerge qiyn bolady. Ózbek taýary - arzan", - dedi sheneýnik.
Biyl naýryzda Qazaqstan men Ózbekstan arasynda kelisim qabyldanǵaly beri eki el arasyndaǵy taýar ainalymy shamamen 30 paiyzǵa ósken.
