ٶزبەك ساۋداگەرلەرٸ تاۋارلارىن قازاقستاندا قىمباتقا ساتقانىنا قۋاندى
12-13 مامىردا شىمكەنتتە كٶرمەگە قاتىسقان كەسٸپكەر سالوحيددين زاينۋديننوۆتىڭ ايتۋىنشا, ساۋداگەرلەر ٶنٸمدەرٸن قازاقستاندا قىمباتقا ساتا الدى. "مىسالى, بٸزدە 85 مىڭ سۋم (شامامەن جەتٸ مىڭ تەڭگە) تۇراتىن سۋۆەنيردٸ شىمكەنتتە 450 مىڭ سۋمعا ساتۋعا بولادى. شىمكەنتتە كٶرمە ٶتەتٸنٸن ەستٸپ, بٸز قاتتى قۋاندىق", – دەدٸ ول.
باعدارشام جەنە جول بەلگٸلەرٸن ٶندٸرۋشٸ سەرگەي تراحتەنبەرگ ٶزبەك پرەزيدەنتٸ شاۆكات ميرزيياەۆتٸڭ ساياساتى "قازاقستانمەن ساۋدا قاتىناسىن دامىتادى" دەپ ٷمٸتتەنەدٸ.
بۇل ۋاقىتتا وڭتٷستٸك قازاقستان وبلىسى كەسٸپكەرلەر باسقارماسىنىڭ بٶلٸم باسشىسى حيكماتۋللا رايىمبەكوۆ ٶزبەك تاۋارلارىنىڭ باعاسى ارزان ەكەنٸن, بٸراق ٸشكٸ نارىقتى دا قورعاۋ قاجەتتٸگٸن مەلٸمدەدٸ. "ٶزبەكستاندىق تاۋارلاردى قازاقستاندىق نارىققا جٸبەرسەك, وتاندىق تاۋار ٶندٸرۋشٸلەرگە قيىن بولادى. ٶزبەك تاۋارى - ارزان", - دەدٸ شەنەۋنٸك.
بيىل ناۋرىزدا قازاقستان مەن ٶزبەكستان اراسىندا كەلٸسٸم قابىلدانعالى بەرٸ ەكٸ ەل اراسىنداعى تاۋار اينالىمى شامامەن 30 پايىزعا ٶسكەن.
