Ózbek prezidenti álemdi ózgertetin myqtylardyń ondyǵyna endi
Bul týraly «Jahon» aqparat agenttigi habarlaidy. Bul tizimge óz elindegi jáne aimaǵyndaǵy qalyptasqan jaǵdaidy túbegeili sheshimderimen ózgerte alatyn jáne halyqaralyq jaǵdaiǵa belsendi túrde áser etip, álemdik BAQ-ta «jańalyq túzýshige» ainalǵan tulǵalar qamtylǵan.
Mamandardyń aitýynsha, Mirziiaev ózi prezident bolyp sailanǵannan bastap eldi jappai liberalizatsiialaý baǵytynda reformalar júrgize bastaǵan. Derin Ekonomi basylymy sarapshylarynyń paiymdaýynsha, quqyqqorǵaý organdary, dini senim bostandyǵy, erkin naryq, syrtqy saýdany liberalizatsiialaý baǵytynda Mirziiaev túbegeili sheshimder qabyldap, eldiń shetel investitsiiasy úshin tartymdylyǵyn arttyra bilgen.
Shavkat Mirziiaevtyń ózge eldermen, sonyń ishinde irgeles eldermen bailanysty túbirimen ózgertýge baǵyttalǵan qadamy da onyń atalǵan tizimge enýine áser etkeni aitylady.
