Oqýshylar men ata-analarǵa arnalǵan alǵashqy ǵylymı-kópshilik OYLA jýrnaly qazaq tilindegi nusqasyn qaıta jandandyratyn bolady. Jýrnaldyń memlekettik tildeshyǵýy Qazaq geografıalyq koǵamy men Chevron, ForteBank jáne «Tengızshevroıl» kompanıalary qoldaýynyń arqasynda júzege asyp otyr. Sonymen qatar jýrnaldyń qaıtashyǵýyn ınternet jelisindegi petısıaǵa qol qoıǵan áleýmettik jeliler paıdalanýshylary qoldady.

Eske salsaq, 2016 jyly jazylýshylar sany tym az bolǵandyǵynan OYLA redaksıasy qazaq tilindegi nusqasynyń basylymyn toqtatýǵa májbúr boldy. Endi qazaqtildegi jýrnal aı saıyn orys tildegi nusqamen qatar shyǵa bastaıdy. Alǵashqy tıraj - 2500 dana, olar qazaqstandyq mektepter men balalar úılerine taratylatyn bolady. Sonymen qatar árbir azamat jýrnalǵa jeke jazyla alady.

«Biz ǵylym men tehnologıanyń tilin úırenip, ony balalarǵa jetkizgimiz keledi. Óıtkeni óskeleń urpaq oqý men jasampazdyqtan qoryqpaýy qajet. Biz qazaq mektepterdeoqıtyn balalar úshin memlekettik tildegi aqparat pen dáris alýdyń óte mańyzdy ekenin túsinemiz. Sondyqtan da Qazaqstanda shyǵatyn birden bir ǵylymı-kópshilik jýrnalǵaqoldaý kórsetkeni úshin seriktesterimizge rızashylyǵymyzdy bildiremiz. Jaqynda OYLA jýrnalyn alatyn mektep oqýshylarynyń kóńilderinen shyǵady degen oıdamyz» - dedijýrnaldyń bas redaktory Gamzat Bıarov.

«Bul jobanyń iske asýynyń bastaýynda bolǵanymyz — biz úshin asa qýanyshty jaı̆t. Qazaq Geografıalyq Qoǵamy geografıalyq jáne ózge de qoǵamdyq, tabıǵattanýǵylymdarynyń damýyna únemi qoldaý kórsetip otyrady. Bul — bizdiń eń basty mindetterimizdiń biri. Biz álemdi tanýdyń birden-bir joly saıahattaý dep sanaı̆myz. Albalalar bizdiń bolashaǵymyz, endeshe mundaı̆ is balalardyń tanymdyq órisin keńeı̆teri de sózsiz. Sondyqtan da biz úshin balalarymyzdyń arman-qıalynyń tusalmaýy, jan-jaqty tolysyp, jańa nárselerge umtylýy asa mańyzdy. OYLA jýrnalynan qyzyqty saıahattar, qaterli taý shyńdaryn baǵyndyrý, tartymdy zertteýler týraly oqyp, QazGeo-men birge álemdi tanýdaǵy kóńil kókjıegin keńeı̆tińiz!» - dedi Nurlan Ábdýov, «Qazaq Geografıalyq Qoǵamy» QB Qamqorlyq Keńesiniń tóraǵasy.

OYLA - Qazaqstandaǵy alǵashqy ǵylymı-kópshilik  jýrnal, orta jáne joǵarǵy synyp oqýshylary men bilimge qushtar eresekterge arnalǵan. OYLA jýrnaly jaratylystanýǵylymdary - matematıka, fızıka, hımıa, bıologıa, astrofızıka baǵytyndaǵy maqalalardan, gýmanıtarlyq ǵylymdar - tarıh, rıtorıka, til ǵylymdary baǵytyndaǵyjáne jalpy tanymdyq maqalalalardan, qyzyqty oqıǵalar, teoremalar men esepterdi anyqtaý, ónertabystar, ǵalymdardyń ashylýlary týraly málimetten turady. Biz balalarǵa kúrdeli zattardy jeńil tilmen túsindiremiz.