Keshe, 26 jeltoqsanda keshkisin Aqtaýda ótken baspasóz máslihatynda Kólik ministri Marat Qarabaev ushaq apatynyń qalai bolǵanyn aityp,hronologiiasyn tizbektedi. Oqiǵa ornynda Ázirbaijannyń aviatsiialyq biligimen tyǵyz yntymaqtastyqta jumystar júrgizilip jatyr, dep jazady Dalanews.kz.
Ministrdiń aitýynsha, ushaq Aqtaý áýejaiynyń ushý-qoný jolaǵyna jaqyndaýǵa eki ret áreket jasaǵan.
- Beiindi vedomstvonyń Kóliktegi oqiǵalar men intsidentterdi tergeý departamentiniń qyzmetkerleri tergeýdiń dalalyq kezeńin ótkizip jatyr.
- Áýejaidyń tótenshe jaǵdailar qyzmeti ushaqty qabyldaýǵa daiyn boldy. Ekipaj QR áýe keńistigine kirgennen keiin Aqtaý qalasynyń munaralyq dispetcherimen bailanys ornatty. Dispecher áýe kemesin qondyrý úshin barlyq qajetti is-qimyldardy jedel kórsetti.
- Ekipaj baǵyt pen biiktikti turaqty ustap tura almady. Rostov-na-Donýdyń dispetcheri Mahachkala men Bakýdegi aýa-raiy týraly málimetterdi jetkizgennen keiin ekipaj Aqtaýǵa ushý týraly sheshim qabyldaǵanyn habarlady.
- Saǵat 10:53-te Rostov-na-Doný ushýlary jetekshisi Aqtaýdaǵy ushýlar basshysyna ushaqtyń jolaýshylar kabinasynda ottegi ballony jarylǵanyn, jolaýshylar esinen tana bastaǵanyn qosymsha habarlap, kelip jetkende ushaqtaǵylarǵa reanimatsiialyq sharalar kerek bolatynyn aitqan.
- Jolaqtyń vizýaldy kórinisi anyq bolýy úshin shamdar qosyldy.
- Ekpipaj Aqtaý áýeailaǵynyń ushý-qoný alańyna jaqyndaý úshin eki ret áreket jasady, onyń barysynda ushaqtyń retsiz shaiqalǵany baiqaldy.
- Ushaq jaǵalaý syzyǵyna qarai aýytqidy. Saǵat 11:28-de ekipajmen bailanys úzilip, áýe kemesi jermen soqtyǵysty.
- Birden áýe kemesi qulaǵan jerge birinshi bolyp Aqtaý áýejaiynyń qutqarý qyzmeti kelip jetti, olar borttaǵy jolaýshylardy dereý evakýatsiialaýǵa kiristi.
Buǵan deiin QR TJM baspasóz qyzmeti ázirbaijan áýe kompaniiasyna tiesili ushaq apatynan qaza tapqandardyń tizimin jariialaǵan bolatyn. Qaiǵyly oqiǵa 25 jeltoqsanda túske qarai boldy. Bakýden Groznyiǵa baǵyt alǵan jolaýshylar ushaǵy Aqtaý áýejaiynyń mańynda apatqa ushyrady. Sońǵy aqparat boiynsha, 67 adamnyń 29-y aman qaldy, 38 jolaýshy qaza tapty, olardyń ishinde ushaq ekipajy da bar. Ushaqta Qazaqstannyń alty azamaty bolǵany belgili boldy, ókinishke qarai olardyń barlyǵy mert boldy. Oqiǵa ornynan ushaqtyń eki "qara jáshigi" tabyldy. Olardyń ushaqty jasap shyqqan Braziliia kompaniiasynyń mamandary kelmeiinshe, ashylmaityny aitylady.
