14 naýryz kúni Aqtaý qalasynda teńiz jaǵalaýynda Roza Rymbaevanyń kontserti boldy. Ánshi aýa raiynyń qolaisyzdyǵyna qaramastan sharany toqtatpai, sońyna deiin ótkizgen, dep habarlaidy Dalanews.kz.
Roza Rymbaeva Aqtaýda Naýryz meiramy men Amal merekesiniń qurmetine ashyq aspan astynda kontsert berdi. Alaida sol kúni 112 qyzmeti oblys boiynsha jyldamdyǵy sekýndyna 20 metrge deiin jetetin jel soǵatyny jóninde eskertý joldaǵan.
Al ánshi aýa raiynyń qolaisyzdyǵyna qaramastan, kontsertinen bas tartpai, azdaǵan kórermen aldynda óner kórsetti. Kontsertke bar-joǵy 50-ge jýyq qala turǵyny jinalǵan.
"Kontsertti ótkizbeiik degenbiz, biraq Roza Rymbaeva úzildi-kesildi bas tartty. Aqtaýlyqtar qashannan myqty adamdar. Olar bul qalany ystyqqa, qaqaǵan aiazǵa, qatty jelge qaramastan turǵyzǵan. Sondyqtan bul kontsert aqtaýlyqtarǵa degen qurmet retinde ótkizildi", – dedi uiymdastyrýshylar.
Buǵan deiin Pavlodar qalasynyń ákimdigi Roza Rymbaeva men Qairat Nurtastyń Naýryz merekesine orai qala turǵyndarynyń aldynda óner kórsetkeni úshin qansha gonorar alatynyn aitqan edi. Qos juldyzdyń kontsertine biýdjetten 10 million teńge bólingen.
