IT synyptar ashylýy munymen shektelip qalmai aýdannyń barlyq bilim berý mekemelerin qamtityn bolady. Bul keler urpaqtyń básekege qabilettigin arttyratyny sózsiz»,- dedi bul aýdan ákimi Erlan Aitahanov.
Otyrar aýdany Shámshi Qaldaiaqov atyndaǵy mektep-gimnaziiasynda IT-synyp ashyldy. Synypta oqýshylardy robototehnika, 3 D modeldeý, animatsiialyq filmder men kibersporttyq oiyndar jasaý isine baýlymaq.
«Tsifrly Qazaqstan» jobasy aiasynda ashylǵan IT-synyp «Nur Otan» partiiasy Túrkistan oblystyq filialy jáne Otyrar aýdany ákimdiginiń qoldaýymen júzege asqan.
Saltanatty ashylýǵa «Nur Otan» partiiasy Túrkistan oblystyq filialy tóraǵasynyń birinshi orynbasary Nurmahan Joldasov pen aýdan ákimi Erlan Aitahanov arnaiy qatysyp, lentasyn qidy.
Sharada Qazaqstannyń halyq aqyny Áselhan Qalybekova qiialy júirik, qaǵilez balalardyń aldaǵy jumystaryna sáttilik tilese, Nurmahan Miiatuly jobany qoldap, júzege asyrǵan aýdan ákimdigine rizashylyǵyn bildirdi. Jiynda aýdan ákimi, aýdandyq partiia filialynyń tóraǵasy Erlan Qýanyshuly barsha shákirtterdi quttyqtady. — «Elbasymyz Nursultan Nazarbaevtyń senim bildirgen HHI ǵasyrdyń jastary, iaǵni oqýshylarymyz IT synyptarda ozyq tehnologiialardy meńgerip, úirenýi kerek. IT synyptar ashylýy munymen shektelip qalmai aýdannyń barlyq bilim berý mekemelerin qamtityn bolady. Bul keler urpaqtyń básekege qabilettigin arttyratyny sózsiz»,- dedi aýdan ákimi.
Munan soń qurmetti qonaqtarǵa mektep oqýshylary ózderiniń týyndylaryn kórsetip, tanystyrdy. Nurshýaq Seitishan qozǵaltqyshy elektrli avtokóliktiń modelin tanystyrsa, Altynbek Begisbek, Nurbaq Sábit, Ernar Berik, Jannur Bazarbai, Ádemi Shaiyrbekter animatsiialyq oiyndardy daiyndap, Perihan Bazarbek ulttyq sportymyz «Asyq atýdyń» kompiýterlik nusqasyn usyndy. Al, Baǵdáýlet Qaljigit, Qutbek Tólegen, Ersultan jáne Muhamedjan Bekseiitter arnaiy qurastyrǵan robottarynyń múmkindikterin kórsetti.
Egemen eldiń erteńi sanalǵan búgingi jastardyń bolashaǵyna senimmen qaraǵan qonaqtar talaptaryna aq jol tiledi.
