Týrnırdiń ashylý saltanatynda aýdan ákimi Erlan Aıtahanov sóz sóılep, sport súıer qaýymǵa shynaıy tilegin jetkizip, jarysty ashyq dep jarıalady.
– Elbasymyz Nursultan Nazarbaev halyqqa arnaǵan árbir Joldaýynda buqaralyq sportty damytýdy, onyń ishinde ulttyq sport túrlerine basa kóńil bólý kerektigin únemi aıtyp keledi. Qurylǵanyna bir-aq jyl bolǵan aýdandyq ulttyq at sporty federasıasy ónimdi eńbek etip keledi. Osy turǵyda federasıa prezıdenti isker azamat, aýdandyq máslıhattyń depýtaty Tóregeldi Aqjigitke alǵys aıtsaq jarasady. Dodaǵa túsken attaryńyz súrinbesin, jigitter jyǵylmasyn. İske sát, – dedi aýdan basshysy Erlan Qýanyshuly.
Ákimnen soń sóz alǵan máslıhat depýtaty, aýdandyq ulttyq at sporty federasıasynyń prezıdenti Tóregeldi Aqjigit árdaıym Elbasy saıasatyn qoldaıtynyn, kelesi 2019 jastar jylynda jumysty odan ári jandandyratynyn jetkizdi.
Byltyr týra osy ýaqytta, birinshi kókpardy ótkizgenderin, mundaı sharalar aldaǵy ýaqytta júıeli túrde jalǵasyn tabatynyn aıtty. Aýdandy kórkeıtý, gazdandyrý, damytý úshin aıanbaı eńbek etip kele jatqan aýdan ákimine alǵysyn aıtty.
Ardager aqsaqalymyz Myrzahmet Temirbekov bata bergen soń, kókpar bastalyp ketti. Kókparda 19 salym salynyp, palýandar rızalyqpen tarasty.
