Elbasymyz Nursultan Nazarbaevtyń «100 naqty qadam» Ult Jospary men memlekettik saiasatty nasihattaý jáne sybailas jemqorlyqqa qarsy mádenietti qalyptastyrý maqsatynda ótip jatqan «Adal jol» estafetalyq marafonyn Otyrar aýdany Arys qalasynan qabyldap alyp, aýdanda túrli formatta fleshmob, avtosherý, dóńgelek ústelder men seminar syndy birqatar is-sharalar uiymdastyrǵany belgili.
Búgin «Adal jol» estafetalyq marafonynyń tizgini imandylyq pen tazalyqtyń uiasy bolǵan, qazaq órkenietiniń altyn dińgegine balanǵan kieli Otyrar aýdanynan qart Qarataýdyń etegindegi kendi qala kentaýlyqtarǵa tabystaldy.
Atalǵan sharaǵa aýdan ákimi Erlan Aitahanov pen QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysy boiynsha departament basshysy Ǵalym Tursynbaev jáne aýdandaǵy memlekettik qyzmetkerler qatysty.
– Jastardyń boiynda sybailas jemqorlyqqa qarsy mádeniet qalyptasýy úshin jastarymyz sybailas jemqorlyqty eldiń damýyn tejeitin asa qaýipti qoǵamdyq dert dep tanýy tiis. Sybailas jemqorlyqqa qarsy mádeniet ár adamda quqyqtyq saýattylyǵyna da bailanysty tómen nemese joǵary bolýy múmkin. Memlekettegi zańnamalardy jaqsy bilý ár adamnyń óz is-áreketine degen senimdiligin kúsheitedi. «Nur Otan» partiiasynyń sybailas jemqorlyqqa qarsy is-qimyl baǵdarlamasynda: «Otbasy jáne bilim berý salasy bul úderiske múddelilik tanyta otyryp qatysýy kerek. Bul jumysty mektepke deiingi bala tárbiesinen bastaǵan abzal» delingen. Bul jerde jas urpaqtyń quqyqtyq sanasy men mádenietin qalyptastyrý, otansúigishtik sezimin kúsheitý mańyzdy, – degen aýdan basshysy Erlan Aitahanov aýdan halqyn ǵasyr indeti sanalǵan sybailas jemqorlyqpen birlese kúresýge shaqyryp, Kentaý qalasy ákiminiń orynbasary Samat Rasýl bastaǵan delegatsiiaǵa usynys-tilekter jazylǵan «Adal jol» kitabyn tapsyrdy.
Shara barysynda Otyrar aýdanynda ótken «Adal jol» estafetalyq marafonynda belsendilik tanytyp, atsalysqan bir top memlekettik qyzmetkerler QR Memlekettik qyzmet isteri jáne sybailas jemqorlyqqa qarsy is-qimyl agenttigi Túrkistan oblysy boiynsha departamentiniń arnaiy Alǵys hattarymen marapattaldy.
Odan ári shara aýdan ónerpazdarynyń kontserttik baǵdarlamasyna ulasty.
Sondai-aq, QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Túrkistan oblysy boiynsha departament basshysy Ǵalym Tursynbaev aýdannyń memlekettik qyzmetkerlerimen arnaiy kezdesip, suhbattasty.
Otyrar aýdany ákiminiń baspasóz qyzmeti
