Otyrar aýdany «Adal jol» estafetalyq marafonyn Kentaýǵa tapsyrdy

Dalanews 05 qyr. 2018 06:19 360

Túrkistan oblysynyń barlyq aýdan, qalalarda Memlekettik qyzmet isteri jáne sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń uıymdastyrýymen «Adal jol» marafony bastaý alǵan bolatyn.

Elbasymyz Nursultan Nazarbaevtyń «100 naqty qadam» Ult Jospary men memlekettik saıasatty nasıhattaý jáne sybaılas jemqorlyqqa qarsy mádenıetti qalyptastyrý maqsatynda ótip jatqan «Adal jol» estafetalyq marafonyn Otyrar aýdany Arys qalasynan qabyldap alyp, aýdanda túrli formatta fleshmob, avtosherý, dóńgelek ústelder men semınar syndy birqatar is-sharalar uıymdastyrǵany belgili.

Memlekettiń damýyn tejeıtin sybaılas jemqorlyqpen kúresýdiń jańa tásilin usynyp otyrǵan QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń «Adal jol» estafetalyq marafony qasıetti ólkede keńinen qoldaý taýyp, marafonǵa myńǵa jýyq adam qamtylǵan.

Búgin «Adal jol» estafetalyq marafonynyń tizgini ımandylyq pen tazalyqtyń uıasy bolǵan, qazaq órkenıetiniń altyn dińgegine balanǵan kıeli Otyrar aýdanynan qart Qarataýdyń etegindegi kendi qala kentaýlyqtarǵa tabystaldy.

Atalǵan sharaǵa aýdan ákimi Erlan Aıtahanov pen QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha departament basshysy Ǵalym Tursynbaev jáne aýdandaǵy memlekettik qyzmetkerler qatysty.

– Jastardyń boıynda sybaılas jemqorlyqqa qarsy mádenıet qalyptasýy úshin jastarymyz sybaılas jemqorlyqty eldiń damýyn tejeıtin asa qaýipti qoǵamdyq dert dep tanýy tıis. Sybaılas jemqorlyqqa qarsy mádenıet ár adamda quqyqtyq saýattylyǵyna da baılanysty tómen nemese joǵary bolýy múmkin. Memlekettegi zańnamalardy jaqsy bilý ár adamnyń óz is-áreketine degen senimdiligin kúsheıtedi. «Nur Otan» partıasynyń sybaılas jemqorlyqqa qarsy is-qımyl baǵdarlamasynda: «Otbasy jáne bilim berý salasy bul úderiske múddelilik tanyta otyryp qatysýy kerek. Bul jumysty mektepke deıingi bala tárbıesinen bastaǵan abzal» delingen. Bul jerde jas urpaqtyń quqyqtyq sanasy men mádenıetin qalyptastyrý, otansúıgishtik sezimin kúsheıtý mańyzdy, – degen aýdan basshysy Erlan Aıtahanov aýdan halqyn ǵasyr indeti sanalǵan sybaılas jemqorlyqpen birlese kúresýge shaqyryp,  Kentaý qalasy ákiminiń orynbasary Samat Rasýl bastaǵan delegasıaǵa usynys-tilekter jazylǵan «Adal jol» kitabyn tapsyrdy.

Shara barysynda Otyrar aýdanynda ótken «Adal jol» estafetalyq marafonynda belsendilik tanytyp, atsalysqan bir top memlekettik qyzmetkerler QR Memlekettik qyzmet isteri jáne sybaılas jemqorlyqqa qarsy is-qımyl agenttigi Túrkistan oblysy boıynsha departamentiniń arnaıy Alǵys hattarymen marapattaldy.

Sondaı-aq sharada aýdandyq qoǵamdyq keńesiniń tóraǵasy Myrzahmet Temirbekov pen aýdannyń bas ımamy Álıjan Bekbaýov jemqorlyqtyń adamzat balasyna tıgizer zardaby jaıynda oılaryn aıtsa, aýdandyq ekonomıka jáne qarjy bóliminiń bas mamany Mereı Ámetbek aýdan jastaryn ata-babamyz amanat etken adaldyq, tektilik jolynan adaspaı, qandaı iste bolmasyn adal bolýǵa shaqyrdy.

Odan ári shara aýdan ónerpazdarynyń konserttik baǵdarlamasyna ulasty.

Sondaı-aq, QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń Túrkistan oblysy boıynsha departament basshysy Ǵalym Tursynbaev aýdannyń memlekettik qyzmetkerlerimen arnaıy kezdesip, suhbattasty.

 

Otyrar aýdany ákiminiń baspasóz qyzmeti

Usynylǵan
Sońǵy jańalyqtar