"Otbasy banki" turǵyn úi qurylys jinaq banki" AQ jai aktsiialar boiynsha 2024 jylǵa dividendter tóleýge nietti. Bul týraly aqparat búgin KASE saitynda jariialandy, dep habarlaidy Dalanews.kz.
Qor birjasy usynǵan derekke sáikes, tólemniń birinshi somasy 2025 jyldyń 2 maýsymyna deiin 42 277 615 200,00 teńge, tólemniń ekinshi somasy 2025 jyldyń 2 shildesine deiin 42 277 615 200,00 teńge kólemin quraidy. Mundai sheshimdi Otbasy bankiniń jalǵyz aktsioneri - "Báiterek" Ulttyq basqarýshy holdingi qabyldady.
Osylaisha, banktiń jai aktsiialar boiynsha dividendter tóleminiń jalpy somasy 84 555 230 400 teńgeni (84 milliard 555 million 230 myń 400 teńge) quraidy.
Aita ketsek, QR Úkimeti Otbasy bankin 2027 jylǵa deiin ishinara IPO-ǵa shyǵarýdy josparlap otyr. Otbasy banki otandyq ekinshi deńgeidegi bankter arasynda aktivter men menshikti kapitaly boiynsha tórtinshi orynda tur.
Buǵan deiin saitymyzda memleketten 235 920 teńge kólemindegi bastapqy kapitaldy alý úshin ne isteý kerektigin jazǵanbyz.
