"وتباسى بانكٸ" تۇرعىن ٷي قۇرىلىس جيناق بانكٸ" اق جاي اكتسييالار بويىنشا 2024 جىلعا ديۆيدەندتەر تٶلەۋگە نيەتتٸ. بۇل تۋرالى اقپارات بٷگٸن KASE سايتىندا جارييالاندى, دەپ حابارلايدى Dalanews.kz.
قور بيرجاسى ۇسىنعان دەرەككە سەيكەس, تٶلەمنٸڭ بٸرٸنشٸ سوماسى 2025 جىلدىڭ 2 ماۋسىمىنا دەيٸن 42 277 615 200,00 تەڭگە, تٶلەمنٸڭ ەكٸنشٸ سوماسى 2025 جىلدىڭ 2 شٸلدەسٸنە دەيٸن 42 277 615 200,00 تەڭگە كٶلەمٸن قۇرايدى. مۇنداي شەشٸمدٸ وتباسى بانكٸنٸڭ جالعىز اكتسيونەرٸ - "بەيتەرەك" ۇلتتىق باسقارۋشى حولدينگٸ قابىلدادى.
وسىلايشا, بانكتٸڭ جاي اكتسييالار بويىنشا ديۆيدەندتەر تٶلەمٸنٸڭ جالپى سوماسى 84 555 230 400 تەڭگەنٸ (84 ميلليارد 555 ميلليون 230 مىڭ 400 تەڭگە) قۇرايدى.
ايتا كەتسەك, قر ٷكٸمەتٸ وتباسى بانكٸن 2027 جىلعا دەيٸن ٸشٸنارا IPO-عا شىعارۋدى جوسپارلاپ وتىر. وتباسى بانكٸ وتاندىق ەكٸنشٸ دەڭگەيدەگٸ بانكتەر اراسىندا اكتيۆتەر مەن مەنشٸكتٸ كاپيتالى بويىنشا تٶرتٸنشٸ ورىندا تۇر.
بۇعان دەيٸن سايتىمىزدا مەملەكەتتەن 235 920 تەڭگە كٶلەمٸندەگٸ باستاپقى كاپيتالدى الۋ ٷشٸن نە ٸستەۋ كەرەكتٸگٸن جازعانبىز.
