Otbasy bank Green Awards 2025 salalyq syilyǵynyń «Mańyzdy seriktestik» nominatsiiasy boiynsha jeńimpaz atandy, dep habarlaidy Dalanews.kz.
Bank jasyl qurylys salasyn damytýdyń jáne «jasyl ipoteka» baǵdarlamasyn ilgeriletýdegi eleýli úlesi úshin marapattaldy. Bul baǵdarlama Qazaqstandaǵy turǵyn úi sektoryn turaqty damytýǵa baǵyttalǵan.
Syilyqty Qazaqstannyń jasyl qurylys keńesi (KazGBC) tóraǵasy Daniiar Azymhanov Green Build Central Asia 2025 mereitoilyq forýmynda tabys etti. Bul shara qurylys salasynyń jetekshi ókilderin, qarjy institýttaryn, memlekettik organdar men joǵary oqý oryndaryn, sondai-aq halyqaralyq uiymdardy biriktirdi.
«Otbasy banktiń «Jasyl ipoteka» baǵdarlamasy - ESG printsipteriniń naqty júzege asýy. Bul biz úshin damý strategiiasynyń mańyzdy bóligi. Ekologiialyq tazalyq qazir turǵyn úidiń qoljetimdiligi men sapasy siiaqty qalypty jaǵdaiǵa ainaldy. Bizdiń pilottyq ónimimiz kórsetkendei, qazaqstandyqtar energiiany únemdeitin jáne ekologiialyq taza úilerdi tańdaýǵa daiyn, al naryq azamattardyń suranysyna qarai ózgerýge beiim. Biz qaýipsiz jáne turaqty qalalyq orta quratyn qurylys kompaniialaryn qoldaimyz jáne klientterimizge osyndai úilerdi tańdaýǵa arnalǵan qoljetimdi quraldar usynamyz. KazGBC syilyǵy biz durys baǵytta júrgenimizdi jáne eldiń jasyl ekonomikasyn damytýǵa naqty úles qosyp otyrǵanymyzdy rastaidy», – dedi «Otbasy bank» AQ basqarma tóraǵasynyń orynbasary Áliia Aidarbekova.
Otbasy bank «Jasyl ipoteka» baǵdarlamasy boiynsha qaryz berýdi 2023 jyldan bastap júrgizip keledi. Jobany ban qarjylandyrady. Bul qarajat suranysqa bailanysty «jasyl» páterlerdi júzege asyrý boiynsha qurylys kompaniialary bar óńirlerge bólinedi.
«Jasyl» dep halyqaralyq sertifikattardan ótken turǵyn úi sanalady – GOST R, LEED, BREEAM nemese Qazaqstan standarttary boiynsha – OMIR. Qazaqstandaǵy OMIR standarty KazGBC – Jasyl qurylys keńesi arqyly beriledi.
Joba geografiiasyna Astana, Almaty, Shymkent, Qosshy, Túrkistan qalalary jáne Shyǵys Qazaqstan, Abai, Jetisý, Almaty jáne Aqtóbe oblystary kiredi.
«Jasyl ipoteka» baǵdarlamasy aiasynda turǵyn úi nysandarynyń quny naryqtyq baǵamen anyqtalady. Baǵdarlamanyń artyqshylyǵy – tómen bastapqy jarna jáne turǵyn úidiń menshikte bolýy nemese tirkelgen jeri bolý talabynyń bolmaýy.
2025 jyly Otbasy bank 570 nesie berip, jalpysomasy 14,7 milliard teńgege jetti. Eń kóp turǵyn úiAstana qalasynda berildi.
Búgingi kúnge deiin, 2023 jyldan bastap, jalpy 1 825 nesie berilip, onyń jalpy somasy 46,1 milliard teńgege jetti.
